കൊലപാതക വാർത്തകൾക്കു അമിത പ്രാധാന്യം നൽകരുത് – സാബു ജോസ്

ന്യൂസ് ബ്യൂറോ, കൊച്ചി
Monday, October 14, 2019

കൊച്ചി: ദൃശ്യ ശ്രാവ്യ അച്ചടി മാധ്യമങ്ങൾ കൊലപാതകം അടക്കമുള്ള കുറ്റകൃത്യങ്ങളുടെ വാർത്തകൾക്കു അമിത പ്രാധാന്യം നൽകുന്നത് സമൂഹത്തിൽ കുറ്റകൃത്യം വര്ധിക്കുവാൻ ഇടയാക്കും. സമൂഹത്തിൽ വലിയ ആശങ്കയും ഭീതിയും വര്ധിക്കുവാനും ഇടവരുത്തിയേക്കും. സമൂഹത്തിലെ നന്മകൾ കരുണ എന്നിയ്ക്കു വലിയ പ്രാധാന്യം നൽകണം.

കുറ്റകൃത്യങ്ങൾ ഡ്യൂപ്പുകളെ വെച്ച് അഭിനയിപ്പിച്ചു മനോഹരമായ സിനിമാ തിരക്കഥപോലെ അവതരിപ്പിക്കുന്നത് മാധ്യമ ധർമ്മമൊയെന്ന് പരിശോധിക്കട്ടെ. പരിപാടികൾ ലേഖനങ്ങൾ പരസ്യങ്ങൾ എന്നിവ പ്ര സിദ്ധികരിക്കുകയും പ്രക്ഷേപണം ചെയ്യുമ്പോഴും മാധ്യമങ്ങൾ മനുഷ്യജീവനെ സംരക്ഷിക്കുവാനും ആദരിക്കുവാനും പ്രതേകം ശ്രദ്ധിക്കണമെന്ന് കെസിബിസി പ്രൊ ലൈഫ് സമിതി പ്രസിഡന്റ്‌ സാബു ജോസ് പ്രസ്താവിച്ചു.

കൂടത്തായി കേസിന്റെ പശ്ചാത്തലത്തിൽ സ്ത്രികളെ അവഹേളിക്കുന്ന ട്രോളുകൾ തയ്യാറാക്കി രസിക്കുന്ന നവ മാധ്യമങ്ങളും പൊതുജനങ്ങളും പെൺകുട്ടികളുടെയും സ്ത്രീകളുടെയും ആത്മവിശ്വാസവും അഭിമാനബോധവും നഷ്ട്ടപ്പെടുത്തുകയാണ്.

അബോർഷനെ അനുകൂലിക്കുക, ആത്മഹത്യ, കൊലപാതകം, അക്രമം എന്നിവയെ പ്രോത്സാഹപ്പിക്കുകയോ പിന്തുണയ്ക്കുന്ന ആശയങ്ങൾ പ്രചരിപ്പിക്കുകയോ ചെയ്യുന്ന പ്രവർത്തനങ്ങളെ സർക്കാർ നിയമപരമായി നിരോധിക്കണണമെന്നും , കുടുംബങ്ങളിൽ ക്രൈം പരിപാടികൾക്ക് നിയന്ത്രണം ഏർപ്പെടുത്തണമെന്നും അദ്ദേഹം അഭിപ്രായപ്പെട്ടു.

പെൺകുട്ടികൾ കുടുംബങ്ങൾക്ക് അനുഗ്രഹം എന്ന സന്ദേശം സമൂഹത്തിൽ സജീവമാക്കുവാൻ മാധ്യമങ്ങൾ അടക്കം എല്ലാവരുംശ്രദ്ധിക്കണം.

×