തൃ​ശൂ​രി​ല്‍ അ​മ്മ​​യും മ​ക​ളും കൊ​ല്ലപ്പെ​ട്ട സംഭവത്തിൽ പ്രതിയെ തപ്പി പോലീസ്. ഒ​ളി​വി​ല്‍ പോ​യ കോ​ട്ട​യം സ്വ​ദേ​ശിക്കായി ലു​ക്കൗ​ട്ട് നോ​ട്ടീ​സ് പു​റ​ത്തി​റ​ക്കി. മ​രി​ച്ച രേ​ഖ​യു​ടെ മൃ​ത​ദേ​ഹ​ത്തി​ൽ ചി​ത്ര​ങ്ങ​ൾ ഒ​ട്ടി​ച്ച നി​ല​യി​ൽ. കേസിൽ ദുരൂഹതയേറുന്നു

തൃ​ശൂ​ർ: പ​ടി​യൂ​ര്‍ പ​ഞ്ചാ​യ​ത്ത് ഓ​ഫീ​സി​ന​ടു​ത്തു​ള്ള വീ​ട്ടി​ല്‍ കാ​റ​ളം വെ​ള്ളാ​നി സ്വ​ദേ​ശി​ക​ളാ​യ അ​മ്മ​യെ​യും മ​ക​ളെ​യും മ​രി​ച്ച​നി​ല​യി​ല്‍ ക​ണ്ടെ​ത്തി​യ സം​ഭ​വം കൊ​ല​പാ​ത​ക​മെ​ന്നു പോ​ലീ​സ്.

കാ​റ​ളം വെ​ള്ളാ​നി കൈ​ത​വ​ള​പ്പി​ല്‍ പ​രേ​ത​നാ​യ പ​ര​മേ​ശ്വ​ര​ന്‍റെ ഭാ​ര്യ മ​ണി (74), മ​ക​ള്‍ രേ​ഖ (43) എ​ന്നി​വ​രാ​ണ് മ​രി​ച്ച​ത്.

സം​ഭ​വം കൊ​ല​പാ​ത​ക​മാ​ണെ​ന്നു പോ​ലീ​സ് സ്ഥി​രീ​ക​രി​ച്ച​തോ​ടെ രേ​ഖ​യു​ടെ ര​ണ്ടാം​ഭ​ർ​ത്താ​വ് കോ​ട്ട​യം സ്വ​ദേ​ശി പ്രേം​കു​മാ​റി​നെ ക​ണ്ടെ​ത്താ​ൻ പോ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.

ഒ​ളി​വി​ല്‍ പോ​യ ഇ​യാ​ൾ​ക്കാ​യി പോ​ലീ​സ് ലു​ക്ക് ഔ​ട്ട് നോ​ട്ടീ​സ് പു​റ​പ്പെ​ടു​വി​ച്ചി​ട്ടു​ണ്ട്.

മ​ണി​യെ​യും രേ​ഖ​യെ​യും പ്രേം​കു​മാ​ർ ക​ഴു​ത്തു ഞെ​രി​ച്ച് കൊ​ന്ന​താ​കാ​മെ​ന്നാ​ണു പോ​ലീ​സ് പ​റ​യു​ന്ന​ത്. ബു​ധ​നാ​ഴ്ച ഉ​ച്ച​യോ​ടെ വീ​ട്ടി​ല്‍​നി​ന്ന് ദു​ര്‍​ഗ​ന്ധം വ​ന്ന​തി​നെ​ത്തു​ട​ര്‍​ന്ന് അ​യ​ല്‍​വാ​സി​ക​ള്‍ ഇ​രി​ങ്ങാ​ല​ക്കു​ട ബോ​യ്സ് സ്‌​കൂ​ളി​ലെ ജീ​വ​ന​ക്കാ​രി​യാ​യ മൂ​ത്ത​മ​ക​ള്‍ സി​ന്ധു​വി​നെ വി​വ​ര​മ​റി​യി​ച്ച​തോ​ടെ​യാ​ണ് കൊ​ല​പാ​ത​ക​ത്തെ​ക്കു​റി​ച്ച് നാ​ട്ടു​കാ​ർ അ​റി​യു​ന്ന​ത്.

ക​ഴി​ഞ്ഞ അ​ഞ്ചു​മാ​സ​മാ​യി മ​രി​ച്ച മ​ണി​യും, മ​ക​ൾ രേ​ഖ​യും പ​ടി​യൂ​രി​ൽ വാ​ട​ക​യ്ക്കു താ​മ​സി​ച്ചു​വ​രി​ക​യാ​യി​രു​ന്നു. ഇ​വി​ടെ താ​മ​സം തു​ട​ങ്ങി​യ​ശേ​ഷം രേ​ഖ കോ​ട്ട​യം സ്വ​ദേ​ശി​യാ​യ പ്രേം​കു​മാ​റി​നെ വി​വാ​ഹം ക​ഴി​ച്ചു.

രേ​ഖ​യു​ടെ ര​ണ്ടാ​മ​ത്തെ വി​വാ​ഹ​മാ​ണി​ത്. മ​രി​ച്ച രേ​ഖ​യു​ടെ മൃ​ത​ദേ​ഹ​ത്തി​ൽ​നി​ന്ന് ഭാ​ര്യ​യും പു​രു​ഷ സു​ഹൃ​ത്തു​ക്ക​ളും ത​മ്മി​ലു​ള്ള ചി​ത്ര​ങ്ങ​ൾ വ​സ്ത്ര​ത്തി​ൽ ഒ​ട്ടി​ച്ച നി​ല​യി​ൽ ക​ണ്ടെ​ത്തി​യി​ട്ടു​ണ്ട്. 

കൂ​ടാ​തെ പ്രേം​കു​മാ​ര്‍ എ​ഴു​തി​യ​തെ​ന്ന് ക​രു​തു​ന്ന ഭീ​ഷ​ണി​ക്ക​ത്ത് ല​ഭി​ച്ച​താ​യും മ​ര​ണം കൊ​ല​പാ​ത​ക​മാ​ണെ​ന്ന് ഇ​ത് ഉ​റ​പ്പു​വ​രു​ത്തു​ന്ന​താ​യും പോ​ലി​സ് പ​റ​ഞ്ഞു. ഭാ​ര്യ​യു​ടെ സ്വ​ഭാ​വ​ത്തെ വി​മ​ർ​ശി​ച്ചും കു​റി​പ്പ് ക​ണ്ടെ​ത്തി​യി​ട്ടു​ണ്ട്.

ചൊ​വ്വാ​ഴ്ച ഉ​ച്ച​യ്ക്കു​ശേ​ഷ​മാ​കാം കൊ​ല​പാ​ത​കം ന​ട​ന്ന​തെ​ന്ന് പോ​ലീ​സ് പ​റ​യു​ന്നു. പ്രേം​കു​മാ​ർ ര​ണ്ടു​ദി​വ​സം മു​മ്പു​വ​രെ ഇ​വി​ടെ​യു​ണ്ടാ​യി​രു​ന്നു. എ​ന്നാ​ൽ, ഇ​പ്പോ​ൾ ഇ​യാ​ളെ ബ​ന്ധ​പ്പെ​ടാ​ന്‍ സാ​ധി​ക്കു​ന്നി​ല്ല.

കു​റ​ച്ച് ദി​വ​സ​ങ്ങ​ൾ​ക്ക് മു​ന്പ് പ്രേം​കു​മാ​റി​നെ​തി​രേ ഇ​രി​ങ്ങാ​ല​ക്കു​ട വ​നി​താ സ്റ്റേ​ഷ​നി​ൽ രേ​ഖ പ​രാ​തി ന​ൽ​കി​യി​രു​ന്ന​താ​യി സ​ഹോ​ദ​രി സി​ന്ധു പ​റ​ഞ്ഞു.

തി​ങ്ക​ളാ​ഴ്ച ഇ​രു​വ​രെ​യും വി​ളി​പ്പി​ച്ച് കൗ​ണ്‍​സി​ലിം​ഗി​നെ​ത്താ​ന്‍ നി​ര്‍​ദേ​ശം ന​ല്‍​കി​യി​രു​ന്നു. പി​ന്നീ​ട് പോ​ലീ​സ് സ്റ്റേ​ഷ​നി​ല്‍​നി​ന്ന് വീ​ട്ടി​ലേ​ക്കു മ​ട​ങ്ങി​യ​ശേ​ഷം അ​മ്മ​യെ ഫോ​ണി​ല്‍ ബ​ന്ധ​പ്പെ​ടാ​ന്‍ ശ്ര​മി​ച്ചെ​ങ്കി​ലും സാ​ധി​ച്ചി​ല്ലെ​ന്നാ​ണ് സി​ന്ധു പ​റ​യു​ന്ന​ത്.

മ​രി​ച്ച മ​ണി​യു​ടെ മൂ​ത്ത​മ​ക​ളും ഇ​രി​ങ്ങാ​ല​ക്കു​ട ബോ​യ്‌​സ് സ്‌​കൂ​ളി​ലെ ജീ​വ​ന​ക്കാ​രി​യു​മാ​യ സി​ന്ധു​വി​ന് ര​ണ്ടു​ദി​വ​സ​മാ​യി അ​മ്മ​യെ വി​ളി​ച്ചി​ട്ടു കി​ട്ടു​ന്നു​ണ്ടാ​യി​രു​ന്നി​ല്ല. വീ​ടി​നു​ള്ളി​ല്‍​നി​ന്നു ദു​ര്‍​ഗ​ന്ധം വ​മി​ച്ച​തോ​ടെ നാ​ട്ടു​കാ​ര്‍ വി​വ​ര​മ​റി​യി​ച്ച​തി​നെ​തു​ട​ര്‍​ന്ന് ഇ​രി​ങ്ങാ​ല​ക്കു​ട ബോ​യ്സ് സ്‌​കൂ​ൾ ജീ​വ​ന​ക്കാ​രി​യാ​യ സി​ന്ധു ഉ​ച്ച​യ്ക്കു ര​ണ്ടു​മ​ണി​യോ​ടെ​യാ​ണു പ​ടി​യൂ​രി​ലെ വീ​ട്ടി​ലെ​ത്തി​യ​ത്.

പി​റ​കി​ല്‍​നി​ന്നും വാ​തി​ല്‍ ത​ള്ളി​ത്തു​റ​ന്ന് അ​ക​ത്തു​ക​യ​റി​യ​പ്പോ​ഴാ​ണ് മ​രി​ച്ച​നി​ല​യി​ല്‍ ഇ​രു​വ​രെ​യും ക​ണ്ട​ത്. കി​ട​പ്പു​മു​റി​ക്കും അ​ടു​ക്ക​ള​യ്ക്കും ഇ​ട​യി​ലു​ള്ള ഭാ​ഗ​ത്താ​ണ് ഇ​രു​വ​രും മ​രി​ച്ചു​കി​ട​ന്നി​രു​ന്ന​ത്. മൃ​ത​ദേ​ഹ​ങ്ങ​ള്‍ അ​ഴു​കി​യ നി​ല​യി​ലാ​യി​രു​ന്നു.

വി​വ​ര​മ​റി​ഞ്ഞ​തി​നെ​തു​ട​ര്‍​ന്ന് കാ​ട്ടൂ​ര്‍ സി​ഐ ഇ.​ആ​ര്‍. ബൈ​ജു​വി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം സ്ഥ​ല​ത്തെ​ത്തി ഇ​ൻ​ക്വ​സ്റ്റി​നു​ശേ​ഷം മൃ​ത​ദേ​ഹ​ങ്ങ​ൾ തൃ​ശൂ​ര്‍ മെ​ഡി​ക്ക​ല്‍ കോ​ള​ജ് ആ​ശു​പ​ത്രി മോ​ർ​ച്ച​റി​യി​ലേ​ക്കു മാ​റ്റി.

ഫോ​റ​ന്‍​സി​ക് സം​ഘ​വും ഡോ​ഗ് സ്‌​ക്വാ​ഡും സ്ഥ​ല​ത്തു പ​രി​ശോ​ധ​ന ന​ട​ത്തി. വീ​ടി​ന്‍റെ ഉ​ൾ​ഭാ​ഗം അ​ല​ങ്കോ​ല​മാ​യ നി​ല​യി​ലാ​ണ്. മ​രി​ച്ച മ​ണി ഇ​രി​ങ്ങാ​ല​ക്കു​ട​യി​ല്‍ വീ​ട്ടു​ജോ​ലി​ക​ള്‍​ക്കു പോ​യി​രു​ന്നു. സി​ന്ധു, സി​ജി, രേ​ഖ എ​ന്നി​വ​രാ​ണ് മ​ണി​യു​ടെ മ​ക്ക​ള്‍. മ​രി​ച്ച രേ​ഖ​യ്ക്കും ര​ണ്ടു മ​ക്ക​ളു​ണ്ട്.

കാ​മു​കി​ക്കൊ​പ്പം ജീ​വി​ക്കാ​ൻ ആ​ദ്യ ഭാ​ര്യ​യെ കൊ​ല​പ്പെ​ടു​ത്തി​യ​യാ​ളാ​ണ് പ്ര​തി പ്രേം​കു​മാ​റെ​ന്നു പോ​ലീ​സ് പ​റ​യു​ന്നു. ഈ ​കേ​സി​ല്‍ ജാ​മ്യ​ത്തി​ലി​റ​ങ്ങി​യ​ശേ​ഷ​മാ​ണു രേ​ഖ​യ്ക്കൊ​പ്പം താ​മ​സ​മാ​ക്കി​യ​ത്.

2019 സെ​പ്റ്റം​ബ​ര്‍ 20 നാ​യി​രു​ന്നു പ്രേം​കു​മാ​ര്‍ ആ​ദ്യ ഭാ​ര്യ ചേ​ര്‍​ത്ത​ല ക​ഞ്ഞി​ക്കു​ഴി പു​തി​യാ​പ​റ​മ്പ് വി​ദ്യ​യെ(48) കൊ​ല​പ്പെ​ടു​ത്തി​യ​ത്.

സ്‌​കൂ​ളി​ലെ പൂ​ര്‍​വ വി​ദ്യാ​ര്‍​ഥി സം​ഗ​മ​ത്തി​നി​ടെ പ​രി​ച​യ​ത്തി​ലാ​യ ഹൈ​ദ​രാ​ബാ​ദി​ല്‍ ജോ​ലി ചെ​യ്തി​രു​ന്ന സ​ഹ​പാ​ഠി തി​രു​വ​ന​ന്ത​പു​രം വെ​ള്ള​റ​ട അ​ഞ്ചു​മ​രം​കാ​ല വാ​ല​ന്‍​വി​ള സു​നി​ത ബേ​ബി (39)യു​മാ​യി ഇ​യാ​ള്‍ പ്ര​ണ​യ​ത്തി​ലാ​കു​ക​യും പി​ന്നീ​ട് ഇ​വ​രെ വി​വാ​ഹം ക​ഴി​ക്കാ​ന്‍ വി​ദ്യ​യെ കൊ​ന്ന് മൃ​ത​ദേ​ഹം തി​രു​നെ​ല്‍​വേ​ലി​യി​ലെ കു​റ്റി​ക്കാ​ട്ടി​ല്‍ ത​ള്ളു​ക​യു​മാ​യി​രു​ന്നു.