കൊറോണ നിയന്ത്രണങ്ങളുടെ ഭാഗമായി വിദേശത്തു കുടുങ്ങിക്കിടക്കുന്ന കുവൈത്ത്​ പൗരന്മാരെ തിരിച്ചെത്തിക്കാൻ നടപടി തുടങ്ങി

കുവൈറ്റ് :ദേശീയ ദിനാഘോഷ ഭാഗമായി വിദേശത്തുപോയി കൊറോണ നിയന്ത്രണങ്ങളുടെ ഭാഗമായി വിവിധ രാജ്യങ്ങളിൽ കുടുങ്ങിക്കിടക്കുന്ന പതിനായിരങ്ങളെ കുവൈറ്റിലേയ്ക്ക് തിരികെയെത്തിക്കാന്‍ നടപടി തുടങ്ങിയതായി റിപ്പോര്‍ട്ട് .

വിവിധ രാജ്യങ്ങളിലായി കുടുങ്ങിക്കിടക്കുന്ന കുവൈത്ത്​ പൗരന്മാരെ തിരിച്ചെത്തിക്കാൻ കുവൈത്ത്​ വിദേശകാര്യ മന്ത്രാലയം പദ്ധതി തയാറാക്കിയിട്ടുണ്ട് . ചൊവ്വാഴ്​ച മുതൽ കുവൈത്ത്​ എയർവേയ്​സ്​ വിമാനത്തിൽ ആളുകളെ രാജ്യത്തേയ്ക്ക്  എത്തിച്ചുതുടങ്ങുമെന്നാണ്​ റിപ്പോർട്ട്​.

തുർക്കി, ഈജിപ്​ത്​, ബ്രിട്ടൻ എന്നിവിടങ്ങളിലാണ്​ കൂടുതൽ പേർ ഉള്ളത്​. സ്​പെയിൻ, അമേരിക്ക, ജോർജിയ, ഗൾഫ്​ രാജ്യങ്ങൾ, അസർബൈജാൻ തുടങ്ങിയ കൊറോണ വൈറസ്​ സാന്നിധ്യം കണ്ടെത്തിയ പല രാജ്യങ്ങളിലും കുവൈറ്റികള്‍ കുടുങ്ങിക്കിടപ്പുണ്ട് ​. വിദേശത്തുള്ള കുവൈത്തികളിൽ ഇതിനകം വൈറസ്​ സ്ഥിരീകരിച്ചവരുമുണ്ടെന്നാണ്​ വിവരം. അതത്​ രാജ്യങ്ങളിലെ കുവൈത്ത്​ എംബസി ഇവരുമായി ബന്ധപ്പെട്ട് വേണ്ട സൌകര്യങ്ങള്‍ ചെയ്തു കൊടുക്കുന്നുണ്ട് ​.

തിരിച്ചെത്തുന്നവരെ പരിശോധിക്കാൻ കുവൈത്ത്​ വിമാനത്താവളത്തിൽ വിപുലമായ സംവിധാനങ്ങളാണ്​ ഏർപ്പെടുത്തിയിട്ടുള്ളത്​. പരിശോധനയിൽ വൈറസ്​ ബാധ കണ്ടെത്തുന്നവരെ ചികിത്സക്കായി ആരോഗ്യ മന്ത്രാലയം ഏറ്റെടുക്കും. അല്ലാത്തവർക്ക് വീടുകളില്‍ തന്നെ ​ കർശന നിരീക്ഷണം ഏർപ്പെടുത്താനാണ് തീരുമാനം . ഇവർക്കുമേൽ ആരോഗ്യ മന്ത്രാലയത്തി​ന്‍റെ കരുതല്‍ ഉണ്ടായിരിക്കും .