കുവൈത്ത് സിറ്റി: കുവൈത്ത് പ്രവാസിയായ യുവാവ് ദുബൈയിൽ കോവിഡ് ബാധിച്ച് മരിച്ചു. തൃശൂർ പെരിഞ്ഞനം ചക്കരപാടം സ്വദേശി നൈസാം (45) ആണ് മരിച്ചത്. കുവൈത്തിൽ സാൽമിയയിൽ താമസമാക്കിയ നൈസാം കെ.ഇ.ഒ ഇൻറർനാഷനൽ കൺസൽട്ടന്റ്സ് കമ്പനിയിൽ ഡ്രാഫ്റ്റ്സ്മാനായിരുന്നു
ഭാര്യ: റബീന. മക്കൾ: അമീഹ, അക്മൽ, അക്കു. സഹോദരങ്ങൾ: ഫൈസൽ, നജീബ്, നിഷാദ്. പിതാവ്: മുഹമ്മദ്. കുവൈത്തിലേക്ക് നേരിട്ട് വരാൻ വിലക്കുള്ളതിനാൽ ദുബൈ വഴി വരാൻ ശ്രമിച്ച അദ്ദേഹം കോവിഡ് ബാധിച്ചതിനെ തുടർന്ന് ദുബൈയിൽ ചികിത്സയിലായിരുന്നു. വർഷങ്ങളായി ഖത്തറിലായിരുന്ന നൈസാം ഒരു വർഷം മുമ്പാണ് ജോലി മാറ്റത്തിനായി കുവൈത്തിലെത്തിയത്.