കുവൈറ്റില്‍ ട്വിറ്റർ വഴി അമീറിനെ അപകീർത്തിപ്പെടുത്തിയ കേസില്‍ പ്രതികള്‍ക്ക് ജാമ്യം

കുവൈറ്റ്‌: കുവൈറ്റില്‍ ട്വിറ്റർ വഴി അമീറിനെ അപകീർത്തിപ്പെടുത്തിയ കേസില്‍ പ്രതികള്‍ക്ക് ജാമ്യം. അമീറിനെ അപകീർത്തിപ്പെടുത്തുകയും ഫോൺ ദുരുപയോഗം ചെയ്യുകയും ചെയ്‌തതിന് അബ്ദുള്ള അൽ സാലിഹ്, റാനിയ അൽ സാദ് എന്നിവർക്ക് 200 കെഡിയുടെ ജാമ്യമാണ് അനുവദിച്ചത്‌.

വെബ്‌സൈറ്റിലെ ട്വീറ്റുകളുടെ പശ്ചാത്തലത്തിൽ രണ്ട് വർഷത്തേക്ക് നല്ല നടപ്പിന് വിധിക്കുകയും ചെയ്തിട്ടുണ്ട്‌.

സോഷ്യൽ നെറ്റ്‌വർക്കിംഗ് സൈറ്റായ ട്വിറ്റർ വഴി അമീറിനെ അപകീർത്തിപ്പെടുത്തുകയും അമീറിന്റെ അവകാശങ്ങളെയും അധികാരത്തെയും പരസ്യമായി വെല്ലുവിളിക്കുകയും ഇന്റർനെറ്റിൽ പ്രസിദ്ധീകരിച്ച് അധികാരത്തെ അപമാനിക്കുകയും ചെയ്‌തുവെന്നാണ്‌ പബ്ലിക് പ്രോസിക്യൂഷൻ അവർക്കെതിരെ കുറ്റം ചുമത്തിയിരുന്നത്.