കുവൈത്തിലെ നിരത്തിലൂടെ കുതറിയോടാൻ ശ്രമിക്കുന്ന സിംഹത്തെ കൈയിലെടുത്തു നീങ്ങുന്ന യുവതി; വീഡിയോ വൈറല്‍

കുവൈറ്റിലെ തെരുവുകളിലൂടെ സിംഹത്തെ എടുത്ത് ഒരു സ്ത്രീ പോകുന്നതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാകുന്നു. കൂടിനുള്ളില്‍ നിന്നും പുറത്തു ചാടിയ വളര്‍ത്തു സിംഹമാണ് പ്രദേശത്തെ ജനങ്ങളെ ഭീതിയിലാഴ്ത്തിയത്. സബാഹിയ പ്രദേശത്താണ് സംഭവം.

hate when this happens pic.twitter.com/laYa0FtSsI

— Dylan Burns🕊️🏳️‍🌈 (@DylanBurns1776) January 3, 2022

സിംഹത്തിന്റെ ഉടമയായ സ്ത്രീ തന്നെയാണ് അതിനെ എടുത്തുകൊണ്ടുപോകുന്നത്. സിംഹം കുതറിയോടാന്‍ ശ്രമിക്കുന്നതും, മുരളുന്നതും ദൃശ്യങ്ങളില്‍ വ്യക്തമാണ്. നിരവധി പേരാണ് ഈ ദൃശ്യങ്ങള്‍ സോഷ്യല്‍ മീഡിയയില്‍ പങ്കുവച്ചത്.

യുവതിയുടെയും പിതാവിന്റെയും ഉടമസ്ഥതയിലുള്ളതാണ് സിംഹമെന്ന് പോലീസ് വ്യക്തമാക്കി. സിംഹം, കടുവ തുടങ്ങിയവയെ വളര്‍ത്തുന്നത് കുവൈറ്റില്‍ നിയമവിരുദ്ധമാണെങ്കിലും, നിരവധി പേര്‍ ഇത് അനധികൃതമായി ചെയ്യുന്നുണ്ടെന്നാണ് റിപ്പോര്‍ട്ട്.