കറാച്ചി: ചൈനയില് നിന്നുള്ള ഉത്പന്നങ്ങള് പാകിസ്താന് വഴി യു എ ഇയിലേക്ക് കയറ്റുമതി ചെയ്യുന്ന പദ്ധതിക്ക് തുടക്കമായി.
നാഷനല് ലോജിസ്റ്റിക്സ് കോര്പ്പറേഷന് (എന്എല്സി) മള്ട്ടിമോഡല് ട്രാന്സ്പോര്ട്ട് ഇന്റര്നാഷണല് റൂട്ടിയേഴ്സ് (ടിഐആര്) സേവനം ഉപയോഗപ്പെടുത്തിയാണ് ചൈനയെ യു എ ഇയുമായി ഖുഞ്ചെറാബ് പാസ് വഴി ബന്ധിപ്പിക്കുന്നത്.
ആഗോള ട്രാന്സിറ്റ് സംവിധാനമായ ടിഐആര് പ്രകാരം സീല് ചെയ്ത ചരക്കുകള് സ്വന്തം രാജ്യത്ത് നിന്ന് ലക്ഷ്യസ്ഥാനത്തേക്ക് സീല് ചെയ്ത ലോഡ് കമ്പാര്ട്ടുമെന്റുകളില് അയക്കാന് അനുവദിക്കും.
ഇതിന് ഗതാഗത സമയത്ത് കസ്റ്റംസ് അധികാരികളുടെ മാനുവല് പരിശോധന ആവശ്യമില്ല.
ചൈനയിലെ കഷ്ഗറില് നിന്ന് ഖുഞ്ചെറാബ് ചുരം വഴി സോസ്റ്റിലേക്കാണ് ഷിപ്പ്മെന്റ് ആദ്യമെത്തിയത്. തുടര്ന്ന് ഗവാദറിലേക്ക് അയച്ച ചരക്ക് അവിടെ നിന്നാണ് യു എ ഇയിലേക്ക് പോകുന്നത്.
ആദ്യത്തെ കണ്ടെയ്നര്
ചൈനയില് നിന്നുള്ള ആദ്യത്തെ കണ്ടെയ്നര് വന്നത് ആഘോഷമാക്കാന് ഹുന്സയിലെ സോസ്റ്റില് ചടങ്ങ് സംഘടിപ്പിച്ചു.
പരിപാടിയില് കസ്റ്റംസ് അസിസ്റ്റന്റ് കളക്ടര് ഇംതിയാസ് ഷിഗ്രി, ഗില്ജിത്, ഹുന്സ, നഗര് എന്നിവിടങ്ങളിലെ ചേംബര് ഓഫ് കൊമേഴ്സ് പ്രതിനിധികള്, വ്യാപാരികള്, കസ്റ്റംസ്, എന്എല്സി ഉദ്യോഗസ്ഥര് എന്നിവര് പങ്കെടുത്തു.
കുറഞ്ഞ കസ്റ്റംസ് ഇടപെടലുകളോടെ അതിര്ത്തികളിലൂടെ ചരക്കുകളുടെ തടസ്സങ്ങളില്ലാത്ത ചലനം സാധ്യമാക്കുന്നതാണ് ടിഐആര്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/12/29/2tKsnsVdIk14rM9F3TO6.jpg)