27
Saturday November 2021
അന്തര്‍ദേശീയം

35 -ാം വയസിൽ 10 കോടിയിലേറെ സമ്പാദ്യം, ജോലിയിൽ നിന്നും വിരമിച്ചു, പണം സമ്പാദിക്കാൻ ഈ യുവതി പറയുന്ന സൂത്രം

Monday, October 4, 2021

യുകെ യിൽ നിന്നുള്ള കാറ്റി ഡോണഗനി ന്റെ വയസ്സ് വെറും മുപ്പത്തിയേഴ്. മിക്കവരും ജോലി ചെയ്തു സമ്പാദിക്കാൻ ആരംഭിക്കുന്ന ഈ പ്രായത്തിൽ പക്ഷേ അവൾ വിരമിച്ചു കഴിഞ്ഞു. അതും ഈ ചെറിയ കാലയളവിനുള്ളിൽ പത്ത് കോടിയിലേറെ സമ്പാദിച്ചതിന് ശേഷമാണ് അവൾ ഇപ്പോൾ വിശ്രമജീവിതം നയിക്കുന്നത്.

എത്രജോലി ചെയ്താലും ഈ ചെറിയ സമയത്തിനുള്ളിൽ എങ്ങനെയാണ് ഒരു വ്യക്തിയ്ക്ക് ഇത്രയൊക്കെ മിച്ചം പിടിക്കാൻ സാധിക്കുന്നത് എന്നത് എല്ലാവരേയും ഞെട്ടിക്കുന്ന കാര്യമാണ്. അതിന് അവൾ പറയുന്ന സൂത്രവാക്യം ചിലവുകൾ കുറക്കുക എന്നതാണ്. താൻ കൈയിലുള്ള പണം ചിലവഴിക്കുന്നതിന് പകരം മിച്ചം പിടിക്കുകയായിരുന്നു എന്നവൾ പറയുന്നു.

ചെറുപ്പം മുതലേ അവൾ പണം ആവശ്യത്തിന് മാത്രമാണ് ചിലവാക്കിയിരുന്നത്. ഈ ശീലം തന്നെയാണ് അവളെ വെറും മുത്തപ്പത്തിയഞ്ചാമത്തെ വയസ്സിൽ കോടിപതിയാക്കിയതും. കാറ്റിയുടെ കുടുംബത്തിന് സുഖമായി ജീവിക്കാനുള്ള സമ്പാദ്യമുണ്ടായിരുന്നു. എന്നാൽ അവധിക്കാലത്ത് ടൂർ പോകുന്നതിനോ, പുറത്ത് പോയി വലിയ ഹോട്ടലുകളിൽ നിന്ന് ആഹാരം കഴിക്കുന്നതിനോ അവൾ പണം അധികം ചിലവഴിച്ചില്ല.

മറ്റ് ചെറുപ്പക്കാരിൽ നിന്ന് വ്യത്യസ്തമായി കാറ്റി തന്റെ പോക്കറ്റ് മണി ചെലവഴിക്കുന്നതിന് പകരം സൂക്ഷിച്ചു വയ്ക്കുമായിരുന്നു. 2005 ജനുവരിയിലാണ് കോസ്റ്റാറിക്കയിൽ വച്ച് അവൾ തന്റെ ഭർത്താവ് അലനെ ആദ്യമായി കണ്ടുമുട്ടുന്നത്. തുടർന്ന് പ്രണയത്തിലായ അവർ യുകെയിലേക്ക് മടങ്ങി. സ്റ്റാറ്റിസ്റ്റിക്സ് പഠിക്കാനായി കാറ്റി ലണ്ടൻ യൂണിവേഴ്സിറ്റി കോളേജിൽ ചേർന്നു.

സാധാരണയായി അവിടങ്ങളിൽ മക്കൾ ആ പ്രായമാകുമ്പോഴേക്കും മാതാപിതാക്കളെ വിട്ട് മാറി താമസിക്കാൻ തുടങ്ങിയിരിക്കും. എന്നാൽ കാറ്റി മാതാപിതാക്കൾക്കൊപ്പമാണ് താമസിച്ചിരുന്നത്. ഭക്ഷണത്തിനും, വസ്ത്രത്തിനുമായി വളരെ കുറച്ച് പണം മാത്രമാണ് അവൾ ചിലവഴിച്ചിരുന്നത്. പിന്നീട് 2008 ൽ ബിരുദം നേടിയ ശേഷം, അവൾ ഹാംഷെയറിലെ അലന്റെ അമ്മയോടൊപ്പം താമസമാക്കി.

അങ്ങനെ വീട്ടുവാടക മിച്ചം പിടിക്കാൻ അവർക്ക് സാധിച്ചു. കൂടാതെ, കാറ്റി പ്രതിവർഷം 29 ലക്ഷം രൂപ സമ്പാദിക്കുന്ന ഒരു ആക്ച്വറിയായി ജോലി ചെയ്തു. അലന് ആ സമയം സ്ഥിരവരുമാനമുള്ള ഒരു ജോലിയില്ലായിരുന്നു. അലൻ പല പല ജോലികൾ ചെയ്തു പണം സമ്പാദിച്ചു. പലപ്പോഴും ജോലിക്കു പോകുമ്പോൾ വീട്ടിൽ ഉണ്ടാക്കിയ ആഹാരമാണ് അവർ കഴിക്കാറുള്ളത്.

പുറത്തുള്ള ആഹാരം വാങ്ങി പണം കളയാൻ അവർ ഒരുക്കമല്ലായിരുന്നു. ഒരു സെക്കൻഡ് ഹാൻഡ് സ്കോഡ വണ്ടിയിലായിരുന്നു യാത്ര. 2013 ജൂലൈയിൽ ഈ ദമ്പതികൾ വിവാഹിതരായി. വിവാഹവേളയിലും ചിലവുകൾ അവർ പരമാവധി നിയന്ത്രിച്ചു. അടുത്തുള്ള ഒരു ഹാൾ വാടകയ്ക്കെടുത്തും, ക്ഷണങ്ങൾ ഇമെയിൽ വഴിയാക്കിയും, അലങ്കാരങ്ങൾ ചെയ്യാൻ ഒരു സുഹൃത്തിന്റെ സഹായം തേടിയും അവർ ചെലവ് കഴിയുന്നത്ര കുറച്ചു കൊണ്ടുവന്നു.

2014 അവസാനത്തോടെ അവളുടെ വരുമാനം പ്രതിവർഷം 58 ലക്ഷം രൂപയായി വർദ്ധിച്ചു. എന്നിട്ടും പക്ഷേ അവൾ വരവിനനുസരിച്ച് ചിലവാക്കാൻ ശ്രമിച്ചില്ല. കൈയിൽ വരുന്ന ഒരോ അണയും മിച്ചം പിടിക്കാനുള്ള വഴികൾ അവർ തേടി. ഇത് കൂടാതെ, എല്ലാ മാസവും മൂന്നുലക്ഷത്തോളം രൂപ അവർ മാറ്റിവയ്ക്കാൻ തുടങ്ങി.

ഇത്രയൊക്കെ സമ്പാദ്യമുള്ള അവരുടെ കൊച്ചു ഫ്ലാറ്റും, പഴയ കാറും, ഒതുങ്ങിയ ജീവിതരീതിയും കണ്ട് പലരും അവർക്ക് ഭ്രാന്താണെന്ന് കരുതി. 2015 ലാണ് കാറ്റി FIRE എന്ന പ്രസ്ഥാനത്തെക്കുറിച്ച് വായിക്കുന്നത്. സാമ്പത്തിക സ്വാതന്ത്ര്യം, നേരത്തെ വിരമിക്കൽ എന്നത്തിന്റെ ചുരുക്കപ്പേരാണ് ഫയർ. ഇത് ചെലവ് കുറയ്ക്കാനും, സമ്പാദ്യം വർധിപ്പിക്കാനും അവരെ സഹായിച്ചു. കൂടുതൽ പണം സമ്പാദിക്കാനായി കാറ്റിയും അലനും ഓഹരി വിപണിയിൽ ഗവേഷണം നടത്തുകയും അതിൽ നിക്ഷേപം ആരംഭിക്കുകയും ചെയ്തു.

2018 സെപ്റ്റംബറോടെ അവർക്ക് എട്ട് കോടി തൊണ്ണൂറ്റിയേഴ് ലക്ഷം രൂപയുടെ നിക്ഷേപമുണ്ടാക്കാൻ കഴിഞ്ഞു. 2019 മാർച്ചിനും ഏപ്രിലിനും ഇടയിൽ അവർ പത്ത് കോടിയെന്ന ലക്ഷ്യത്തിലെത്തി. തുടർന്ന് കാറ്റി വിരമിക്കാൻ തീരുമാനിച്ചു. അതേസമയം വിരമിച്ചെന്ന് വച്ച് വീട്ടിൽ ചുമ്മാ ഇരിക്കാനും കാറ്റിയ്ക്ക് താല്പര്യമില്ലായിരുന്നു.

അവൾ ഇപ്പോൾ റിബൽ ഫിനാൻസ് സ്കൂൾ നടത്തുകയാണ്. മറ്റുള്ളവർക്ക് അവരുടെ ധനകാര്യങ്ങൾ ഫലപ്രദമായി കൈകാര്യം ചെയ്യാനും പണച്ചെലവ് നിയന്ത്രിക്കാനും സഹായിക്കുന്ന പത്ത് ആഴ്ച ദൈർഘ്യമുള്ള ഒരു സൗജന്യ ഓൺലൈൻ കോഴ്‌സാണിത്. ഇങ്ങനെയൊക്കെയാണെങ്കിലും, ഇപ്പോൾ അവരുടെ പ്രധാന പണി സഞ്ചാരികളായി ലോകം ചുറ്റലാണ്.

തായ്‌ലൻഡ് മുതൽ മെക്സിക്കോ വരെ മിക്കയിടത്തും അവർ സഞ്ചരിച്ചു കഴിഞ്ഞു. മുൻപ് ഒതുങ്ങിയ ഒരു ജീവിതം നയിച്ച അവർ ഇപ്പോൾ അടിച്ചുപൊളിച്ച് ജീവിതം ആഘോഷിക്കുന്നു. വലിയ വീടും, വിലകൂടിയ വസ്ത്രങ്ങളുമല്ല, ജീവിതവിജയത്തിന്റെ അടിസ്ഥാനം പകരം ഇഷ്ടമുള്ളത് ചെയ്യാനുള്ള സ്വാതന്ത്ര്യമാണ് എന്ന് കാറ്റി പറയുന്നു.

വെബ്സൈറ്റിൽ അപ്ഡേഷൻ നടക്കുന്നതിനാൻ പുതിയ വാർത്തകൾ അപ് ലോഡ് ചെയ്യുന്നതിലും വാർത്ത ലിങ്കുകൾ തുറക്കുന്നതിലും നേരിയ താമസം നേരിടുന്നുണ്ട്. മാന്യ വായനക്കാർ സഹകരിക്കുമല്ലോ.

Related Posts

More News

ബെംഗളൂരു: ബെംഗളൂരുവിലെത്തിയ രണ്ട് ദക്ഷിണാഫ്രിക്കന്‍ പൗരന്മാര്‍ക്ക് കോവിഡ് 19 സ്ഥിരീകരിച്ചു. കെമ്പഗൗഡ അന്താരാഷ്ട്ര വിമാനത്താവളത്തില്‍ ഇറങ്ങിയ ദക്ഷിണാഫ്രിക്കന്‍ പൗരന്മാരാണ് പരിശോധനയില്‍ കോവിഡ് പോസിറ്റീവ് ആണെന്ന് കണ്ടെത്തിയത്. ഇവരുടെ സ്രവ സാമ്പിളുകള്‍ ശേഖരിച്ചതായും വിശദപരിശോധനയ്ക്ക് അയച്ചതായും ഉന്നതവൃത്തങ്ങളെ ഉദ്ധരിച്ച് ദേശീയ മാധ്യമം റിപ്പോര്‍ട്ട് ചെയ്തു.

തിരുവനന്തപുരം: അട്ടപ്പാടിയിൽ ആവർത്തിക്കുന്ന ശിശു മരണങ്ങൾ സംസ്ഥാന സർക്കാരിന്റെ പിടിപ്പുകേടാണെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ പ്രസ്താവിച്ചു. ആദിവാസി വിഭാഗത്തോടുള്ള സർക്കാരിന്റെ അവഗണനയാണ് ഇതിലൂടെ വ്യക്തമാവുന്നത്. ലോകത്തെ ദരിദ്ര രാജ്യങ്ങളിൽ പോലും സംഭവിക്കാത്ത കാര്യങ്ങളാണ് കേരളത്തിൽ അടിക്കിടെ ഉണ്ടാവുന്നത്. ആദിവാസി വിഭാഗങ്ങളുടെ ക്ഷേമത്തിനായുള്ള കേന്ദ്രഫണ്ട് വിനിയോഗിക്കാതെ സംസ്ഥാനം വഴിമാറ്റി ചിലവഴിക്കുകയാണ്. പോഷകാഹാരക്കുറവും ചികിത്സാ സംവിധാനങ്ങളുടെ അഭാവവുമാണ് പിഞ്ചുകുഞ്ഞുങ്ങളുടെ മരണത്തിനു കാരണമെന്നത് കേരളത്തിന് അപമാനകരമാണ്. ഈ കാലഘട്ടത്തിലും അമ്മമാർക്ക് പോഷകാഹാര കുറവ് ഉണ്ടാകുന്നുവെങ്കിൽ സർക്കാർ ദയനീയ പരാജയമാണെന്ന് പറയേണ്ടി […]

തിരുവനന്തപുരം: ജി.വി. രാജ വിഎച്ച്എസ് സ്പോർട്സ് സ്കൂൾ പ്രിൻസിപ്പൽ പ്രദീപ് സി.എസിനെ സസ്പെൻഡ് ചെയ്തു. മന്ത്രി വി. ശിവൻകുട്ടി ഇതു സംബന്ധിച്ച ഉത്തരവിൽ ഒപ്പിട്ടു. പ്രദീപ് നിരന്തരം ശല്യപ്പെടുത്തുന്നതായി ജീവനക്കാരി പരാതി നൽകിയിരുന്നു. തുടർന്ന് ഇക്കാര്യം അന്വേഷിക്കാൻ വകുപ്പിലെ പ്രത്യേക സംഘത്തെ ഏൽപിക്കുകയായിരുന്നു. കഴിഞ്ഞ മാസം 30 നാണ് വിദ്യാഭ്യാസ വകുപ്പിന് പരാതി നൽകിയത്. ഇതിന് പിന്നാലെ വകുപ്പിലെ പ്രത്യേക സംഘം അന്വേഷണം നടത്തി. പ്രദീപിനെ സസ്പെൻഡ് ചെയ്യണമെന്നും വകുപ്പ്തല അന്വേഷണം നടത്തണമെന്നുമാണ് അന്വേഷണ റിപ്പോർട്ടിലെ ശുപാർശ. […]

കോട്ടയം: വിപണിയിലില്ലാത്ത റബറിന് വില ഉയര്‍ന്നിട്ട് ചെറുകിട കര്‍ഷകന് യാതൊരു നേട്ടവുമില്ലെന്നും തുടര്‍ച്ചയായ മഴയും പ്രകൃതിക്ഷോഭങ്ങളും ഏറ്റവും കൂടുതല്‍ റബര്‍ ഉത്പാദിപ്പിക്കുന്ന പ്രദേശങ്ങളിലെ റബര്‍ ടാപ്പിംഗ് പ്രതിസന്ധിയിലാക്കിയെന്നും ഇന്‍ഫാം ദേശീയ സെക്രട്ടറി ജനറല്‍ ഷെവലിയാര്‍ അഡ്വ.വി.സി.സെബാസ്റ്റ്യന്‍ പറഞ്ഞു. കാലാവസ്ഥാവ്യതിയാനവും, ഇലക്കേടും, പട്ടമരപ്പും, റബര്‍മരങ്ങളില്‍ വ്യാപകമായിരിക്കുന്ന മറ്റുരോഗങ്ങളും ഉത്പാദനം പുറകോട്ടടിച്ചു. മുന്‍കാലങ്ങളിലെ വിലത്തകര്‍ച്ചയില്‍ റബര്‍സംരക്ഷണം സാധാരണ കര്‍ഷകന് താങ്ങാനാവാതെ വന്നതും റബര്‍ കൃഷിയില്‍ നിന്ന് കര്‍ഷകര്‍ മറ്റുവിളകളിലേയ്ക്ക് മാറിയതും ഉത്പാദനം കുറയുവാന്‍ കാരണമായിട്ടുണ്ട്. ആഗോളതലത്തില്‍ പ്രകൃതിദത്ത റബറിന്റെ ലഭ്യത […]

നാഗ്പുർ: 139 യാത്രക്കാരുമായി പോയ ബെംഗളൂരു-പട്‌ന ഗോ ഫസ്റ്റ് വിമാനം എഞ്ചിന്‍ തകരാറിനെ തുടർന്ന് നാഗ്പുർ വിമാനത്താവളത്തിൽ അടിയന്തരമായി ഇറക്കി. രാവിലെ 11.15നായിരുന്നു ലാൻഡിങ്. പട്നയിലേക്കുള്ള യാത്രക്കാർക്കു പ്രത്യേക വിമാനം ഏർപ്പെടുത്തി.

അത്യന്തം അപകടകാരിയായ ദക്ഷിണാഫ്രിക്കയിൽ കണ്ടെത്തിയ പുതിയ കോവിഡ് വകഭേദത്തിന് ഡബ്ള്യു എച്ച് ഒ നൽകിയിരിക്കുന്ന പേരാണ് ഒമൈക്രോൺ. ഡബ്ള്യു എച്ച് ഒ ലോകരാഷ്ട്രങ്ങൾക്ക് ഇതുസംബന്ധമായ മുന്നറിയിപ്പ് നൽകിയിരിക്കുന്നു. വളരെവേഗം പടരുന്ന ഈ വകഭേദം വാക്സിൻ മൂലമുള്ള പ്രതിരോധ സുരക്ഷയെ ഭേദിക്കാൻ കഴിവുള്ളതാണ്.കൂടുതൽ കരുതലും ശ്രദ്ധയുമില്ലെങ്കിൽ അപകടമാണ്. ആദ്യം നവമ്പർ 24 നു ദക്ഷിണാഫ്രിക്കയിലും പിന്നീട് ബോട്ട്സുവാന , ബെൽജിയം,ഹോംഗ്‌കോംഗ്, ഇസ്രായേൽ നമീബിയ, സിംബാബ്‌വെ, ലെസോതോ എന്നീ രാജ്യങ്ങളിലും ഇതിന്റെ വകഭേദം റിപ്പോർട്ട് ചെയ്യപ്പെട്ടിരിക്കുന്നു. ഇവിടേക്കുള്ള വിമാനസർവീസുകൾ പല […]

സംസ്ഥാനത്ത് വിവാഹങ്ങൾ രജിസ്റ്റർ ചെയ്യാൻ വിവാഹിതരുടെ മതം തെളിയിക്കുന്ന രേഖയോ, മതാചാര പ്രകാരമാണ് വിവാഹം നടന്നതെന്ന രേഖയോ ആവശ്യമില്ലെന്നും വിവാഹ രജിസ്ട്രേഷനുള്ള മെമ്മോറാണ്ടത്തിനൊപ്പം വിവാഹം ചെയ്യുന്നവരുടെ ജനനതീയതി തെളിയിക്കുന്ന അംഗീകൃത രേഖകളും വിവാഹം നടന്നത് തെളിയിക്കുന്ന രേഖയും മതിയെന്ന് തദ്ദേശ സ്വയംഭരണ, എക്സൈസ് വകുപ്പ് മന്ത്രി എം വി ഗോവിന്ദൻ മാസ്റ്റർ പറഞ്ഞു. 2008ലെ വിവാഹ രജിസ്ട്രേഷൻ ചട്ടങ്ങൾ പ്രകാരം എല്ലാ വിവാഹങ്ങളും കക്ഷികളുടെ മതഭേദമന്യേ നിർബന്ധമായും രജിസ്റ്റർ ചെയ്യണമെന്ന് നിഷ്‌കർഷിച്ചിരുന്നു. എന്നാൽ, 2015ൽ ചട്ടത്തിൽ ഭേദഗതി […]

ആംസ്റ്റര്‍ഡാം: ദക്ഷിണാഫ്രിക്കയില്‍ നിന്ന് നെതര്‍ലന്‍ഡ്‌സിലെത്തിയ 61 പേര്‍ക്ക് കൊവിഡ് സ്ഥിരീകരിച്ചു. ഇവരെ ഷിഫോള്‍ വിമാനത്താവളത്തിന് സമീപത്തെ ഹോട്ടലുകളില്‍ ക്വാറന്റൈന്‍ ചെയ്തിരിക്കുകയാണ്. പോസീറ്റിവ് ആയവരില്‍ ഒമിക്രോണ്‍ വകഭേദം ഉണ്ടോ എന്ന് അറിയാനായി കൂടുതല്‍ പരിശോധനകള്‍ നടത്തണമെന്ന് അധികൃതര്‍ വ്യക്തമാക്കി. ദക്ഷിണാഫ്രിക്കയില്‍ നിന്നെത്തിയതിന് പിന്നാലെ അറുന്നൂറോളം പേരെ പരിശോധനയ്ക്ക് വിധേയരാക്കിയിരുന്നു.

ദുബൈ: പുതിയ കൊവിഡ് വകഭേദത്തിന്റെ പശ്ചാത്തലത്തില്‍ ദക്ഷിണാഫ്രിക്കന്‍ രാജ്യങ്ങളില്‍ നിന്നുള്ള യാത്രക്കാര്‍ക്ക് ചില രാജ്യങ്ങള്‍ പ്രവേശന വിലക്ക് പ്രഖ്യാപിച്ച സാഹചര്യത്തില്‍ പുതിയ നിര്‍ദ്ദേശങ്ങളുമായി എമിറേററ്‌സ് എയര്‍ലൈന്‍. യാത്രയ്ക്ക് മുമ്പ് നിയന്ത്രണങ്ങള്‍ പരിശോധിക്കണമെന്ന് എമിറേറ്റ്‌സ് അറിയിച്ചു. സിംഗപ്പൂര്‍, ബ്രിട്ടന്‍ എന്നീ രാജ്യങ്ങള്‍ നിയന്ത്രണങ്ങള്‍ പ്രഖ്യാപിച്ചതോടെയാണ് എമിറേറ്റ്‌സ് വെബ്‌സൈറ്റില്‍ നിര്‍ദ്ദേശങ്ങള്‍ വന്നത്. നിയന്ത്രണങ്ങള്‍ ബാധകമാകുന്ന യാത്രക്കാര്‍ റീബുക്കിങ് ഉള്‍പ്പെടെയുള്ളവയ്ക്കായി അതത് ട്രാവല്‍ ഏജന്റുമാരെ ബന്ധപ്പെടുകയോ എമിറേറ്റ്‌സ് കാള്‍ സെന്ററിനെ സമീപിക്കുകയോ ചെയ്യണമെന്ന് അറിയിപ്പില്‍ വ്യക്തമാക്കുന്നു.

error: Content is protected !!