ആലുവയില്‍ അഞ്ച് വയസുകാരിയെ തട്ടിക്കൊണ്ടു പോയി പീഡിപ്പിച്ച് കൊലപ്പെടുത്തിയ കേസില്‍ വിചാരണ ഉടന്‍ ആരംഭിക്കും: ഒക്ടോബര്‍ 4 മുതല്‍ 18 വരെ വിചാരണ നടക്കുമെന്ന് പബ്ലിക് പ്രോസിക്യൂട്ടര്‍

ആലുവ: ആലുവയില്‍ അഞ്ച് വയസുകാരിയെ തട്ടിക്കൊണ്ടുപോയി പീഡിപ്പിച്ച് കൊലപ്പെടുത്തിയ കേസില്‍ വിചാരണ ഉടന്‍ ആരംഭിക്കും. കേസില്‍ ഒക്ടോബര്‍ 4 മുതല്‍ 18 വരെ വിചാരണ നടക്കുമെന്ന് പബ്ലിക് പ്രോസിക്യൂട്ടര്‍ മോഹന്‍രാജ് അറിയിച്ചു.

കേസില്‍ ഇന്ന് സമര്‍പ്പിച്ച കുറ്റപത്രത്തില്‍ 376 A വകുപ്പ് കോടതി ഒഴിവാക്കി. പകരം ബലാത്സംഗത്തിനു ശേഷം കൊലപാതകം നടത്തി എന്ന വകുപ്പ് കൂട്ടിച്ചേര്‍ത്തു. 

തുടര്‍ന്ന് വകുപ്പുകളില്‍ മറ്റ് ആശയക്കുഴപ്പങ്ങള്‍ ഇല്ല എന്നും പബ്ലിക് പ്രോസിക്യൂട്ടര്‍ മോഹന്‍രാജ് വ്യക്തമാക്കി. 99 സാക്ഷികളെയാണ് കേസില്‍ വിസ്തരിക്കാനൊരുങ്ങുന്നത്. കേസില്‍ ഇന്ന് കുറ്റപത്രം കോടതിയില്‍ വായിച്ചുകേള്‍പ്പിച്ചു.