മരങ്ങാട്ടുപിള്ളി ചേറാടിക്കാവ് ക്ഷേത്രത്തില്‍ വിജയദശമിയോടനുബന്ധിച്ച് എഴുത്തിനിരുത്ത് ചൊവ്വാഴ്ച

മരങ്ങാട്ടുപിള്ളി: മരങ്ങാട്ടുപിള്ളി ചേറാടിക്കാവ് ഭഗവതി ക്ഷേത്രത്തില്‍ പൂജയെടുപ്പ്, വിജയദശമി ആഘോഷങ്ങളുടെ ഭാഗമായി മേല്‍ശാന്തി പ്രവീണ്‍ തിരുമേനിയുടെ നേതൃത്വത്തില്‍ ചൊവ്വാഴ്ച കുരുന്നുകള്‍ക്ക് ആദ്യക്ഷരം കുറിക്കുന്നതിനുള്ള സൗകര്യം ഏര്‍പ്പെടുത്തിയിട്ടുണ്ട്.  

ഇന്നലെ ക്ഷേത്രത്തില്‍ പഠനോപകരണങ്ങളുടെയും തൊഴിലുപകരണങ്ങളുടെയും പൂജവയ്പ് നടന്നു. വിജയദശമി ദിനത്തില്‍ അക്ഷരം കുറിക്കാനെത്തുന്നവര്‍ക്ക് പൂജിച്ച പേനകള്‍ വിതരണം ചെയ്യുമെന്ന് ദേവസ്വം പ്രസിഡന്‍റ് എ.എസ് ചന്ദ്രമോഹനന്‍, സെക്രട്ടറി കെ.കെ സുധീഷ് എന്നിവര്‍ അറിയിച്ചു.