കാലാവസ്ഥാ നിരീക്ഷണ കേന്ദ്രത്തിലെ ഉദ്യോഗസ്ഥരായി അനൂപ് മേനോനും അസീസ് നെടുമങ്ങാടും; കാലാവസ്ഥാ നിരീക്ഷണ കേന്ദ്രം പശ്ചാത്തലമായി ഹ്യൂമറിന് പ്രാധാന്യം നൽകുന്ന സിനിമ ഒരുങ്ങുന്നു; സംവിധാനം മനോജ്‌ പാലോടൻ

പാലക്കാട്: കാലാവസ്ഥാ നിരീക്ഷണ കേന്ദ്രം പശ്ചാത്തലമായി ഹ്യൂമറിന് പ്രാധാന്യം നൽകുന്ന ഈ സിനിമയ്ക്ക് തിരക്കഥ ഒരുക്കുന്നത് കൃഷ്ണ പൂജപ്പുരയാണ്. തോട്ടിങ്ങൽ ഫിലിംസിന്റ ബാനറിൽ ഷമീർ തോട്ടിങ്ങൽ നിർമിക്കുന്ന ചിത്രത്തിന് സംഗീത സംവിധാനം നിർവഹിക്കുന്നത് കേരള സംഗീത നാടക അക്കാദമി അവാർഡ് ജേതാവ് പ്രകാശ് ഉള്ളേരിയാണ്. 

ബി കെ ഹരിനാരായണന്റേതാണ് വരികൾ. എറണാകുളത്തും വാഗമണ്ണിലുമായി ജനുവരി 3 ന് ചിത്രീകരണം തുടങ്ങും. വിജയദശമി ദിനത്തിൽ സിനിമയുടെ ഗാനത്തിന്റ കൊമ്പോസിംഗ് ആരംഭിച്ചു. സംഗീത സംവിധായകൻ പ്രകാശ് ഉള്ളേരി, ഗാന രചയിതാവ് ബി.കെ ഹരിനാരായണൻ, സംവിധായകൻ മനോജ്‌ പാലോടൻ, തിരക്കഥാകൃത്ത് കൃഷ്ണ പൂജപ്പുര, നിർമാതാവ് ഷമീർ തോട്ടിങ്ങൽ തുടങ്ങിയവർ പങ്കെടുത്തു.