മൈസൂരുവിലേയ്ക്ക് ഉല്ലാസ യാത്രക്ക് പോയ 10 -ാം ക്ലാസ് വിദ്യാർത്ഥിനി ഹൃദയാഘാതത്തെ തുടര്‍ന്ന് മരിച്ചു

പുലാപ്പറ്റ: മൈസൂരുവിലേക്ക് ഉല്ലാസ യാത്രക്ക് പോയ പുലാപ്പറ്റ എംഎൻകെഎം ഹൈസ്കൂളിലെ 10 -ാം ക്ലാസ് വിദ്യാർത്ഥിനി ഹൃദയാഘാതം സംഭവിച്ച് മരിച്ചു. പുലാപ്പറ്റ  മുണ്ടൊളി ഷാരത്തുപറബിൽ ശ്രീസയനയാണ് മരിച്ചത്. 

തിങ്കളാഴ്ച്ച രാത്രിയായിരുന്നു സംഭവം. മൈസൂർ കൊട്ടാരം സന്ദർശനം നടത്തി തിരിച്ചു വരുന്നതിനിടെ ശാരീരിക അസ്വാസ്ഥ്യം അനുഭവപെടുകയും ഉടൻ സമീപത്തെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. 

മൂന്ന് ബസുകളിലായി 135 വിദ്യാർത്ഥികളും 15 അധ്യാപകരും ഉൾപെടെ 150 പേരാണ് യാത്രക്ക് പോയത്. യാത്ര ഒഴിവാക്കി മൂന്ന് ബസുകളും തിരിച്ചു പുറപ്പെട്ടു.