നാടക നടൻ കെ.പി ഹരിഗോകുൽദാസ് അന്തരിച്ചു

പാലക്കാട്: പാലക്കാടൻ അരങ്ങുകളിലെ അനിഷേധ്യ  സാന്നിദ്ധ്യമായിരുന്ന കെ.പി ഹരിഗോകുൽദാസ് അന്തരിച്ചു. നൂറിലേറെ നാടകങ്ങളിലായി നിരവധി ശ്രദ്ധേയ വേഷങ്ങൾ ചെയ്തു. നാടകാഭിനയത്തിന് പുറമെ  നിരവധി ഹ്രസ്വ ചിത്രങ്ങളിലും പത്തോളം  ചലചിത്രങ്ങളിലും അഭിനയിച്ചിട്ടുണ്ട്. 

2021 ൽ ഡ്രാമാ ഡ്രീംസ്  നാടകമിത്ര പുരസ്കാരം നൽകി ആദരിച്ചിരുന്നു. ഗോവാ ഗവർണർ പി.എസ് ശ്രീധരൻപിള്ളയിൽ നിന്നുമാണ് പുരസ്കാരം സ്വീകരിച്ചത്. ഡ്രാമ ഡ്രീംസ് എക്സിക്യൂട്ടീവ് അംഗമാണ്.