കോട്ടയം നാഗമ്പടത്ത് കട ഉടമ ഹരിതകർമ്മ സേന പ്രവർത്തകരെ അസഭ്യം പറഞ്ഞ സംഭവം: പച്ചക്കറി ഹോൾസെയിൽ കടയിലേക്ക് നഗരസഭയിലെ ഹരിത കർമ്മ സേന പ്രവർത്തകരുടെ മാർച്ച്, പിന്നാലെ കട പൂട്ടിച്ചു

കോട്ടയം:  നാഗമ്പടത്ത് ഹരിതകർമ്മ സേന പ്രവർത്തകരെ  അസഭ്യം പറഞ്ഞ സംഭവത്തിൽ പച്ചക്കറി ഹോൾസെയിൽ കടയിലേക്ക് ഹരിത കർമ്മ സേന പ്രവർത്തകരുടെ മാർച്ച്.
പിന്നാലെ കട പൂട്ടിച്ചു.

കോട്ടയം ചൂട്ടുവേലിയിൽ നിസാറിൻ്റെ ഉടമസ്ഥതയിൽ ഉള്ള പച്ചക്കറി ഹോൾസെയിൽ കയാണ് അടച്ചത്. കഴിഞ്ഞ ദിവസം രണ്ടു ഹരിതകർമ്മ സേനാംഗങ്ങൾ പ്ലാസ്റ്റിക് മാലിന്യം ശേഖരിക്കാൻ എത്തിയപ്പോൾ പച്ചക്കറി മാലിന്യം അടങ്ങിയ പ്ലാസ്റ്റിക് നൽകുകയായിരുന്നു. ജൈവ മാലിന്യം നീക്കം ചെയ്തു തരണമെന്നു ഹരിത കർമ്മ സേനാംഗങ്ങൾ ആവശ്യപ്പെട്ടു.

എന്നാൽ, കട ഉടമ നിസാർ ഹരിത കർമ്മ സേനാംഗങ്ങൾക്കു നേരെ തട്ടിക്കയറുകയും അസഭ്യം പറയുകയും ചെയ്തു. പിന്നീട് നഗരസഭാ കൗൺസിലർ ഷീജാ അനിലിനൊപ്പം ഹരിത കർമ്മ സേനാ അംഗങ്ങൾ ഗാന്ധിനഗർ പോലീസിൽ പരാതി നൽകി. പിന്നാലെയാണ് ഇന്നു നഗരസഭയിലെ മുഴുവൻ ഹരിതകർമ്മ സേനാംഗങ്ങളും കടയിലേക്ക് മാർച്ച് നടത്തിയത്. പിന്നാലെ കട അടയ്ക്കുകയായിരുന്നു.