എ.എസ്.ചന്ദ്രമോഹനന് അനീഷ് ബാബു സ്മാരക കവിത പുരസ്ക്കാരം

കോട്ടയം : പരസ്പരം വായനക്കൂട്ടത്തിന്‍റെ 2025-ലെ അനീഷ് ബാബു സ്മാരക കവിത പുരസ്ക്കാരത്തിന് എ.എസ്.ചന്ദ്രമോഹനന്‍ അര്‍ഹനായി. 2023-ല്‍ പാപ്പാത്തി ബുക്സ് അച്ചടിച്ചു പ്രസിദ്ധീകരിച്ച `ഹൃദയഗാഥ' എന്ന കവിത സമാഹാരത്തിനാണ് പുരസ്ക്കാരം ലഭിച്ചത്.

ഫലകവും പ്രശസ്തിപത്രവും പുസ്തകങ്ങളും അടങ്ങുന്നതാണ് പുരസ്ക്കാരം.
രമ്യ രാജ് (പേരില്ലാ കവിതകള്‍), രാജന്‍ തെക്കുംഭാഗം (നടന്നു തീരാത്ത വഴികള്‍) എന്നിവരാണ് മറ്റ് ജേതാക്കള്‍.

പരസ്പരം മാസികയുടെ നേതൃത്വത്തില്‍ ജനുവരി 17-ന് കോട്ടയത്ത് നടക്കുന്ന  വിപുലമായ സാഹിത്യോത്സവത്തില്‍ പുരസ്ക്കാരം വിതരണം ചെയ്യുമെന്ന് ജനറല്‍ സെക്രട്ടറി  ഔസേഫ് ചിറ്റക്കാട് അറിയിച്ചു.