ഒരുമയുടെ ആഘോഷം. ആലത്തൂർ സെന്റ് പോൾസ് സ്കൂൾ വാർഷികം ചലച്ചിത്ര പ്രവർത്തകൻ  ഹരി.പി.നായർ ഉദ്ഘാടനം ചെയ്തു

ആലത്തൂർ: പാഠ്യ-പാഠ്യേതര പ്രവർത്തനങ്ങളിൽ ശ്രദ്ധേയമായ ആലത്തൂർ സെന്റ് പോൾസ് സ്കൂൾ ഇരുപത്തിയേഴാം വാർഷികം വിവിധ പരിപാടികളോടെ നടത്തി.സിനിമ സംവിധായകനും നടനുമായ ഹരി.പി.നായർ ഉദ്ഘാടനം ചെയ്തു.സെന്റ് പോൾസ് ഗ്രൂപ്പ് ഓഫ് സ്കൂൾസ് എം.ഡി.ഉമ്മൻ ജോൺ അധ്യക്ഷനായി.

സ്വഭാവശുദ്ധിയുള്ള, സാമൂഹ്യപ്രതിബദ്ധതയുള്ള,ഒരു തലമുറയെ രൂപപ്പെടുത്തുന്നതിൽ സെന്റ് പോൾസ് പോലുള്ള സ്ഥാപനങ്ങൾ വ്യത്യസ്തതയോടെ  പ്രവർത്തിക്കുന്നതായി പ്രസംഗകർ പറഞ്ഞു.

  വിവിധ മേഖലയിൽ മികവ് നേടിയ വിദ്യാർത്ഥികളെ ആദരിച്ചു.ഒരുമയുടെ സന്തോഷമായി,വൈവിധ്യമാർന്ന കലാസാംസ്കാരിക പരിപാടികളും അരങ്ങേറി.