തൊടുപുഴയുടെ പ്രിയപ്പെട്ട ഔതചേട്ടന്റെ മകളെ മത്സരരംഗത്ത് ഇറക്കി കോൺഗ്രസ്; മുൻ മുനിസിപ്പൽ ചെയർമാൻ ടി ജെ ജോസഫ് എന്ന ഔതചേട്ടൻ 25 വർഷം കണ്ണിലെ കൃഷ്ണമണിപോലെ കാത്തുസൂക്ഷിച്ച വാർഡ് 2020 ൽ കോൺഗ്രസിന് നഷ്ടമായിരുന്നു

തൊടുപുഴ: സാധാരണക്കാരുടെ പ്രിയപ്പെട്ട ഔതചേട്ടന്റെ (തൊടുപുഴ മുൻ മുനിസിപ്പൽ ചെയർമാൻ ടി ജെ ജോസഫ് ) മകളെ മത്സരരംഗത്ത് ഇറക്കി കോൺഗ്രസ് . 28 ആം വാർഡ് പെരിക്കോണിയിൽ ടി ജെ ജോസഫിന്റെ മകൾ ലിറ്റി ജോസഫ് യു ഡി എഫ് സ്ഥാനാർത്ഥിയായി കൈപ്പത്തി ചിഹ്നത്തിൽ മത്സരിക്കുന്നു. 

ഔതച്ചേട്ടൻ 25 വർഷം കണ്ണിലെ കൃഷ്ണമണിപോലെ കാത്തുസൂക്ഷിച്ച   വാർഡ് ടി ജെ ജോസഫിന്റ മരണശേഷം 2020 ൽ നടന്ന മുനിസിപ്പൽ തെരഞ്ഞെടുപ്പിൽ  കോൺഗ്രസിന് നഷ്ടമായിരുന്നു. ഈ വാർഡ് തിരിച്ചുപിടിക്കുക എന്ന ലക്ഷ്യത്തോടെയാണ് കോൺഗ്രസ്‌ ലിറ്റി ജോസഫിനെ മത്സര രംഗത്തിറക്കിയിരിക്കുന്നത്.

കഴിഞ്ഞ ദിവസം  ലിറ്റി ജോസഫ് വരണാധികാരി മുമ്പാകെ  നാമ നിർദ്ദേശ പത്രിക സമർപ്പിച്ചു. കോൺഗ്രസ് പ്രവർത്തകരോടൊപ്പം ടി ജെ ജോസഫിന്റെ സ്മൃതി മണ്ഡപത്തിൽ പുഷ്പാർച്ചന നടത്തിയതിനുശേഷം  കല്ലറയിലെത്തി പ്രാർത്ഥിച്ചതിന് ശേഷമാ ണ് നാമനിർദ്ദേശപത്രി സമർപ്പിച്ചത്.