മലയാള സിനിമ പിന്നണിഗായകർ ആലപിച്ച ഭക്തിഗാന ആൽബം ആസ്വാദകരുടെ മനം നിറയ്ക്കുന്നു. തരംഗമായി 'പരുമല നാഥൻ'

മണ്ണാർക്കാട് : ബ്ലിസ്സ്റൂട്സ്  മ്യൂസിക് പ്രൊഡക്ഷൻ കമ്പനിയുടെ പുതിയ ഭക്തി ഗീതം ചുരുങ്ങിയ ദിവസങ്ങള്‍ക്കുള്ളില്‍ തന്നെ അരലക്ഷത്തിലേറെ കാഴ്ച്ചക്കാരുടെ ഹൃദയങ്ങളില്‍ സ്ഥാനം പിടിച്ചു വൈറലായിരിക്കുകയാണ്.'പരുമല നാഥൻ'എന്ന ഈ  ഭക്തിഗാന ആൽബംൽബത്തിന്റെ വരികൾ എഴുത്തുകാരി ബിന്ദു പി.മേനോൻ എഴുതിയതാണ്.

മലയാള സിനിമാപിന്നണിഗായകരടക്കം ഒരു വലിയ ടീം ഈ ഗാനത്തിന് പുറകിലുണ്ട് എന്നത് കൊണ്ടു തന്നെ അത്യാകർഷകമായി ആവിഷ്കരിക്കാൻ അണിയറ പ്രവർത്തകർക്ക് കഴിഞ്ഞിട്ടുണ്ട്.

മലയാളത്തിന്റെ സ്വന്തം ബിജിബാലിന്റെ മകൻ ദേവദത്ത് ബിജിബാൽ ആണ് ഈ ഗാനത്തിന്റെ പ്രോഗ്രാമിങ്ങ് ചെയ്തിരിക്കുന്നത്.  പിന്നണിഗായികമാരായ സംഗീത ശ്രീകാന്ത്,സൗമ്യ രാമകൃഷ്ണൻ എന്നിവരുടെ ശബ്ദവും ഈ ഗാനത്തോട് ചേർത്തുവെച്ചിരിക്കുന്നു.ദൃശ്യവിരുന്നൊരുക്കിയത് നിരവധി സിനിമകളിൽ പ്രവർത്തിച്ചിട്ടുള്ള സിനിമാട്ടോഗ്രാഫർ എബി രവീന്ദ്രയാണ്.

   ബ്ലിസ്റൂട്സ് എന്ന യൂട്യൂബ് ചാനൽ വഴിയാണ് ഗാനം പ്രേക്ഷകരിൽ എത്തിച്ചത്