കേരള പ്രവാസി ലീഗ് കോങ്ങാട് മണ്ഡലം കമ്മിറ്റി വാഴമ്പുറം മദ്രസ ഹാളിൽ ജനപ്രതിനിധികൾക്ക് സ്നേഹാദരം നൽകി

പാലക്കാട്‌ :കേരള പ്രവാസി ലീഗ് കോങ്ങാട് മണ്ഡലം സ്നേഹാദരം അനുമോദന സദസ്സ് വാഴമ്പുറം മദ്രസ ഹാളിൽ നടത്തി.തദ്ദേശ തിരഞ്ഞെടുപ്പിൽ ജനപ്രതിനിധികളായി തിരഞ്ഞെടുക്കപ്പെട്ടവരുടെ സംഗമം പ്രവാസി ലീഗ് സംസ്ഥാന പ്രസിഡന്റ് ഹനീഫ മുന്നിയൂർ ഉദ്ഘാടനം ചെയ്തു.

മുസ്‌ലിം ലീഗ്  കോങ്ങാട് മണ്ഡലം പ്രസിഡന്റ് ഹനീഫ.ടി.എച്ച് അധ്യക്ഷനായി.കുഞ്ഞുമുഹമ്മദ് പട്ടാമ്പി അനുമോദന പ്രഭാഷണം നടത്തി.

ഹമീദ് ഹാജി,പി കെ അബ്ദുള്ളക്കുട്ടി,തുടങ്ങിയവർ കോങ്ങാട് നിയോജക മണ്ഡലത്തിലെ വിവിധ ജനപ്രതിനിധികൾക്ക് സ്നേഹാദരം നൽകി.

ഉമ്മർ പഴമ്പൻ ഖുർആനിൽ നിന്ന് അവതരിപ്പിച്ചു.മണ്ഡലം ജനറൽ സെക്രട്ടറി ബഷീർ കഞ്ഞിച്ചാലിൽ സ്വാഗതവും ഷൗക്കത്ത് കാഞ്ഞിരപ്പുഴ നന്ദിയും പറഞ്ഞു