മാലിന്യമുക്ത നവകേരളം: മാധ്യമ ശില്പശാല സംഘടിപ്പിച്ചു

കോഴിക്കോട്: മാലിന്യമുക്ത നവകേരളം ക്യാമ്പയിനുമായി ബന്ധപ്പെട്ട് മാധ്യ പ്രവർത്തകർക്കായി മാധ്യമ ശില്പശാല സംഘടിപ്പിച്ചു. 

കോഴിക്കോട് പ്രസ് ക്ലബ്ബ് കോൺഫ്രൻസ് ഹാളിൽ നടന്ന ശിൽപശാല ജില്ലാ പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്തു. 

സംസ്ഥാനം മാലിന്യമുക്തമാകുന്നതിന്റെ മുന്നോടിയായി ഏറ്റവും പ്രധാനം ജനങ്ങളുടെ മനോഭാവമാറ്റത്തിൽ ഉണ്ടാകേണ്ട മാറ്റമാണ്. 

ജനങ്ങളുടെ മനോഭാവം മാറ്റുന്നതിൽ മാധ്യമ പ്രവർത്തകരുടെ പങ്ക് പ്രശംസനീയമാണെന്ന് ജില്ലാ പഞ്ചായത്ത് പ്രസിഡന്റ് പറഞ്ഞു. 

മാലിന്യമുക്തം നവകേരളം, വൃത്തി -25 സാനിറ്റേഷൻ കോൺക്ലേവുമായി ബന്ധപ്പെട്ട് ശുചിത്വ മിഷനും, കേരള പത്ര പ്രവർത്തക യൂണിയനും സംയുക്തമായാണ് ശിൽപശാല സംഘടിപ്പിച്ചത്.

കെയുഡബ്ല്യൂജെ ജില്ല പ്രസിഡന്റ് ഇ പി മുഹമ്മദ് അധ്യക്ഷത വഹിച്ചു. 

ജില്ലാ ശുചിത്വമിഷൻ കോർഡിനേറ്റർ എം ഗൗതമൻ, മാലിന്യ മുക്തം നവ കേരളം ക്യാമ്പയിൻ കോ-കോർഡിനേറ്റർ മണലിൽ മോഹനൻ, കെഎസ്ഡബ്ല്യൂഎംപി ജില്ലാ കോർഡിനേറ്റർ വിഘേനഷ്, ക്ലീൻ കേരള കമ്പനി ജില്ലാ മാനേജർ സുരേഷ് കുമാർ, കെയുഡബ്ല്യൂജെ ജില്ലാ സെക്രട്ടറി പി കെ സജിത്ത്, ശുചിത്വ മിഷൻ ഉദ്യോഗസ്ഥരായ സി കെ സരിത്ത്, കെ പി രാധാകൃഷ്ണൻ, ഒ ജോതിഷ് തുടങ്ങിയവർ സംസാരിച്ചു. തുടർന്ന് മാധ്യമ പ്രവർത്തകർ നിർദ്ദേശങ്ങൾ പങ്കുവച്ചു.