ആലപ്പുഴ ഡെന്റൽ കോളേജ് പുതിയ കെട്ടിടത്തിലേക്ക്: ചികിത്സയ്ക്ക് ഭാഗിക കാലതാമസമുണ്ടായേക്കാമെന്ന് ഡെന്റൽ കോളജ് പ്രിൻസിപ്പൽ

ആലപ്പുഴ: ആലപ്പുഴ ഗവൺമെന്റ് ഡെന്റൽ കോളേജിന്റെ പ്രവർത്തനം പുതിയ കെട്ടിടത്തിലേക്ക് മാറ്റുന്നതിന്റെ ഭാ​ഗമായി ചികിത്സയിൽ ഭാഗീകമായി കാലതാമസം നേരിട്ടേക്കാമെന്ന് ഡെന്റൽ കോളേജ് പ്രിൻസിപ്പൽ.

ആലപ്പുഴ വണ്ടാനം പോസ്റ്റ് ഓഫീസിനു പിന്നിൽ നഴ്‌സിംഗ് കോളേജിന് സമീപം താൽക്കാലിക കെട്ടിടത്തിൽ  പ്രവർത്തിക്കുന്ന ആലപ്പുഴ ഗവൺമെന്റ് ഡെന്റൽ കോളേജിന്റെ പ്രവർത്തനമാണ് ഭാ​ഗികമായി കാലതാമസം ഏർപ്പെടുക. 

വണ്ടാനം കുറവൻതോട് ജംഗ്ഷനിലുള്ള പുതിയ കെട്ടിടത്തിലേക്ക് ഡെന്റൽ കോളേജിന്റെ പ്രവർത്തനങ്ങൾ മാറ്റുന്നതിന്റെ ഭാ​ഗമായാണ് മാർച്ച് മുതൽ മേയ് വരെ ചികിത്സയിൽ ഭാഗീകമായി കാലതാമസം നേരിട്ടേക്കാമെന്ന് ഡെന്റൽ കോളജ് പ്രിൻസിപ്പൽ അറിയിച്ചത്.