/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/nRl8JFRlM076YrgJODY1.jpg)
ആലപ്പുഴ: മാന്നാര്‍ കൊലക്കേസില്‍ പ്രത്യേക അന്വേഷണ സംഘത്തെ നിയോഗിച്ചു. മാന്നാര്‍ അമ്പലപ്പുഴ പൊലീസ് സ്റ്റേഷനുകളിലെ ക്രൈംബ്രാഞ്ച് ഉദ്യോഗസ്ഥരും അന്വേഷണ സംഘത്തിലുണ്ട്.
കേസില്‍ കൂടുതല്‍ തെളിവ് ശേഖരണത്തിനാണ് പൊലീസിന്റെ നീക്കം. എന്നാല്‍ പോലീസ് കെട്ടിച്ചമച്ച കേസാണിതെന്ന വാദവുമായി അനില്‍ കുമാറിന്റെ അഭിഭാഷകന്‍ സുരേഷ് മത്തായി രംഗത്തെത്തി. അനിലിനെ ചോദ്യം ചെയ്താല്‍ മാത്രമേ കേസ് മുന്നോട്ടുപോകൂ എന്നും, അതിന് മുന്‍പ് തന്നെ അയാള്‍ പ്രതിയാണെന്ന് വിധിയെഴുതിയെന്നും അഭിഭാഷകന്‍ പറയുന്നു.
കസ്റ്റഡിയില്‍ വാങ്ങിയ മൂന്ന് പ്രതികളെയും ഇന്ന് വിശദമായി ചോദ്യം ചെയ്യാനാണ് പോലീസ് നീക്കം. എന്നാല്‍ അനില്‍ കുമാറിനെ നാട്ടിലെത്തിക്കാന്‍ കാലതാമസം ഉണ്ടാകും എന്നാണ് പ്രധമിക വിവരം. അനില്‍ കുമാര്‍ സ്വമേധയാ നാട്ടിലേക്ക് വരാനുള്ള സാധ്യത വളരെ കുറവാണെന്നും നിയമപരമായി ഇസ്രായേലില്‍ നിന്ന് നാട്ടിലെത്തിക്കാന്‍ ശ്രമിക്കുമെന്നും പോലീസ് പറയുന്നു.
കലയുടെ മൃതദേഹം കുഴിച്ചിട്ടു എന്ന് പ്രതികള്‍ പറഞ്ഞ അനിലിന്റെ വീട്ടിലും കൊലപാതകം നടന്ന വലിയ പെരുമ്പുഴ പാലത്തിലും, മൊഴിയില്‍ ഉള്‍പ്പെട്ട മറ്റിടങ്ങളിലും പ്രതികളെ എത്തിച്ചു തെളിവെടുപ്പ് നടത്തും.
അറസ്റ്റിലായ മൂന്ന് പ്രതികളുടെയും 6 ദിവസത്തെ കസ്റ്റഡിയാണ് കോടതി അനുവദിച്ചത്. ഈ ദിവസങ്ങള്‍ക്കുള്ളില്‍ പരമാവധി തെളിവുകള്‍ ശേഖരിക്കുകയാണ് ലക്ഷ്യം.