അനിലും കലയും തമ്മില്‍ അകന്നത് മാന്നാര്‍ കുട്ടമ്പേരൂര്‍ സ്വദേശിയുമായുള്ള അടുപ്പത്തിന്റെ പേരില്‍; കലയുമായി അടുപ്പമുണ്ടായിരുന്നെന്ന് ഇയാള്‍ സമ്മതിച്ചു

മാന്നാര്‍; അനിലും കലയും തമ്മില്‍ അകന്നത് മാന്നാര്‍ കുട്ടമ്പേരൂര്‍ സ്വദേശിയുമായുള്ള അടുപ്പത്തിന്റെ പേരിലെന്ന് റിപ്പോര്‍ട്ട്. കലയുടെ സുഹൃത്തായ മാന്നാര്‍ കുട്ടമ്പേരൂര്‍ സ്വദേശിയെ പൊലീസ് ഇന്നലെ ചോദ്യം ചെയ്തിരുന്നു. കലയുമായി അടുപ്പമുണ്ടായിരുന്നെന്ന് ഇയാള്‍ സമ്മതിച്ചതായാണു വിവരം. 

കല മറ്റൊരാളോടൊപ്പം പാലക്കാട്ടേക്കു പോയെന്ന് അവരെ കാണാതായ ശേഷം നാട്ടില്‍ പ്രചാരണമുണ്ടായി. അതിനു പിന്നില്‍ ആരാണെന്നും വ്യക്തമല്ല. ഈ പ്രചാരണം കലയുടെ ബന്ധുക്കള്‍ ഉള്‍പ്പെടെ വിശ്വസിക്കുകയും ചെയ്തു.

ഒന്നാം പ്രതി അനിലിന്റെ പിതാവ് തങ്കച്ചന്‍, മാതാവ് മണിയമ്മ, അനിലിന്റെ ഇപ്പോഴത്തെ ഭാര്യ ശുഭ എന്നിവരെയും മാന്നാര്‍ പൊലീസ് ഒരു മണിക്കൂറോളം ചോദ്യം ചെയ്തു. അനിലിന്റെ വീട്ടിലെ അടച്ചിട്ട മുറിയിലായിരുന്നു പൊലീസ് വിവരങ്ങള്‍ തേടിയത്.

പഞ്ചായത്തംഗം പുഷ്പ ശശികുമാറില്‍ നിന്നും വിവരങ്ങള്‍ ശേഖരിച്ചു. തന്റെ വാര്‍ഡിലാണ് സംഭവം നടന്നതെന്നും പ്രതികളെ അറിയാമെന്നും കൊലപാതക വിവരം ഇപ്പോഴാണ് അറിയുന്നതെന്നും പഞ്ചായത്തംഗം പൊലീസിനെ അറിയിച്ചു.