അയ്മുറിയിൽ ഭാരത് അരി വിതരണം ചെയ്തു; പത്തു കിലോയ്ക്ക് 340 രൂപ മാത്രം

പെരുമ്പാവൂർ: കേന്ദ്രസർക്കാരിന്റെ ഉപഭോക്തൃകാര്യ, ഭക്ഷ്യ, പൊതുവിതരണ വകുപ്പ് മന്ത്രാലയത്തിനു കീഴിലുള്ള നാഷണൽ കൂപ്പറേറ്റിവ്

കൺസ്യൂമർ ഫെഡറേഷൻ ഓഫ് ഇന്ത്യാ ലിമിറ്റഡിന്റെ കുറഞ്ഞ നിരക്കിലുള്ള ഭാരത് അരി ശനിയാഴ്‌ച അയ്മുറിയിൽ വിതരണം ചെയ്തു.

10 കിലോ വെള്ളയരിയടങ്ങിയ ബാഗിന് 340 രൂപയാണ് വില. അയ്മുറിയിൽ ഗണപതിവിലാസം എൻ.എസ്.എസ്. കരയോഗത്തിനെതിർവശം ലോറിയിലായിരുന്നു വിതരണം.

പൊതുവിപണിയിൽ അരിവില ദിവസേന കുത്തനെ കൂടിക്കൊണ്ടിരിയ്ക്കുമ്പോൾ, ഭാരത് അരി ലഭിക്കുന്നത് സാധാരണക്കാർക്ക് വലിയൊരാശ്വാസമാകുന്നുണ്ടെന്ന് വാങ്ങാനെത്തിയവർ പറഞ്ഞു.