സർക്കാർ തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് പ്രഖ്യാപിക്കും മുമ്പ് ട്വൻ്റി 20 പാർട്ടി സ്ഥാനാര്‍ത്ഥികളെ പ്രഖ്യാപിച്ചു. 90 ശതമാനം സീറ്റുകളിലും വനിതകൾ മത്സരിക്കും

കിഴക്കമ്പലം: സർക്കാർ, സംസ്ഥാനത്ത് തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് പ്രഖ്യാപിക്കുന്നതിന് ആഴ്ച്ചകള്‍ക്ക് മുമ്പേ തന്നെ  സ്ഥാനാര്‍ത്ഥികളെ പ്രഖ്യാപിച്ച് ട്വന്റി20 പാര്‍ട്ടി. 

ആസന്നമായ തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ സംസ്ഥാനത്തെ മൂന്ന് മുന്നണികള്‍ക്കുമെതിരെ ട്വൻ്റി 20 ഒറ്റയ്ക്കാണ് മത്സരിക്കുന്നത്.  രാജ്യത്ത് ആദ്യമായിട്ടാണ് ഇലക്ഷന്‍ പ്രഖ്യാപിക്കുന്നതിന്  മുമ്പേ തന്നെ ഒരു രാഷ്ട്രീയ പാർട്ടി സ്ഥാനാര്‍ത്ഥികളെ പ്രഖ്യാപിച്ച്  ചരിത്രം സൃഷ്ടിച്ചത്.

കിഴക്കമ്പലം പഞ്ചായത്തിലെ പാര്‍ട്ടി എക്‌സിക്യൂട്ടീവ് കമ്മിറ്റിയാണ്,  കിഴക്കമ്പലം ഗ്രാമ പഞ്ചായത്തിലെ സ്ഥാനാര്‍ത്ഥികളെ പ്രഖ്യാപിച്ചത്. കിഴക്കമ്പലം ഗ്രാമപഞ്ചായത്തിലെ 21 വാര്‍ഡിലേയും, വാഴക്കുളം ബ്ലോക്ക് പഞ്ചായത്തിലെ മൂന്ന് ഡിവിഷനുകളിലേയും, എറണാകുളം ജില്ലാ പഞ്ചായത്ത് വെങ്ങോല ഡിവിഷന്‍ അടക്കം 25 സ്ഥാനാര്‍ത്ഥികളെയുമാണ് പ്രഖ്യാപിച്ചത്. മാങ്ങയാണ് ട്വൻ്റി 20 യുടെ ചിഹ്നം. 

90 ശതമാനം സ്ത്രീ സംവരണം ഉറപ്പാക്കിയാണ് സ്ഥാനാര്‍ത്ഥി നിര്‍ണ്ണയം പൂര്‍ത്തിയാക്കിയത്. കേരള ചരിത്രത്തില്‍ ആദ്യമായാണ്  രാഷ്ട്രപുനര്‍നിര്‍മ്മാണ പ്രക്രിയയ്ക്ക് ഇത്രയധികം വനിതാ പങ്കാളിത്തം ഒരു രാഷ്ടീയ പാര്‍ട്ടി ഉറപ്പാക്കുന്നതെന്ന് പാര്‍ട്ടി അദ്ധ്യക്ഷന്‍ സാബു എം ജേക്കബ് പറഞ്ഞു. 

സംസ്ഥാനത്തെ മൂന്ന് മുന്നണികളേയും ബഹുദൂരം പിന്നിലാക്കി പാര്‍ട്ടി മത്സരിക്കുന്ന മുഴുവന്‍ പഞ്ചായത്തുകളിലും ഒന്നാംഘട്ട  പ്രചരണം പൂര്‍ത്തിയാക്കിയെന്നും സാബു എം.ജേക്കബ് പറഞ്ഞു.

കിഴക്കമ്പലം പഞ്ചായത്തിൽ മത്സരിക്കുന്ന ട്വൻ്റി 20 സ്ഥാനാർത്ഥികൾ:

അമ്പുനാട് (1) പ്രീതി കെ.ജി, മലയിടംതുരുത്ത് (2) ബീന ജോസഫ്, മാക്കീനിക്കര (3) ചിന്നമ്മ പൗലോസ്, കാരുകുളം (4) മേരി ഏലിയാസ്, കാവുങ്ങപറമ്പ് (5) സുജിത മോള്‍ റ്റി.എസ്, ചേലക്കുളം (6)  പ്രതിമ കെ.എന്‍, കുമ്മനോട് (7) രാജന്‍ ഇ.ആർ, ചൂരക്കോട് (8) ജോബി മാത്യു, ചൂരക്കോട് വെസ്റ്റ് (9) മിനി വി.സി,  ഞാറള്ളൂര്‍ (10)  ദീപ ജേക്കബ്, കുന്നത്തുകുടി (11)  പ്രസീല എല്‍ദോ, വിലങ്ങ്  (12) അമ്പിളി വിജില്‍, പൊയ്യക്കുന്നം (13) ബിനി ബിജു, കിഴക്കമ്പലം (14)  ജിന്‍സി അജി, പഴങ്ങനാട് (15)  ഷീബ ജോര്‍ജ്, മാളേയ്ക്കമോളം (16) രാധാമണി ധരണീന്ദ്രന്‍, താമരച്ചാല്‍ (17) ലിന്റ ആന്റണി, ഊരക്കാട് (18)  ജിന്‍സി ബിജു, കാനാമ്പുറം (19) രാജു കെ.വി, പൂക്കാട്ടുപടി (20) ജിബി മത്തായി, പൂക്കാട്ടുപടി നോര്‍ത്ത് (21) റഹിം എം.എം. 

വാഴക്കുളം ബ്ലോക്ക് ചേലക്കുളം  ഡിവിഷന്‍: (10)  നിഷ അലിയാര്‍, കിഴക്കമ്പലം  ഡിവിഷന്‍ (11)  മറിയാമ്മ ജോണ്‍, പൂക്കാട്ടുപടി  ഡിവിഷന്‍ (12)  അസ്മ പി.എം,  

എറണാകുളം ജില്ലാ പഞ്ചായത്ത് വെങ്ങോല ഡിവിഷന്‍: (19)  സജന  നസീര്‍.