Advertisment

തുരുത്തുശ്ശേരി ഗവ. എൽ.പി സ്കൂളിലെ കുരുന്നുകൾക്ക് ജനസേവ ശിശുഭവൻ യൂണിഫോം വിതരണം ചെയ്തു

author-image
ന്യൂസ് ബ്യൂറോ, കൊച്ചി
Updated On
New Update
uniform distribution

തുരുത്തുശ്ശേരി ഗവ എൽ പി സ്കൂളിലെ കുട്ടികൾക്ക് ജനസേവ ശിശുഭവൻ നൽകിയ യൂണിഫോം ജനസേവ ചെയർമാൻ ജോസ് മാവേലിയും പ്രസിഡണ്ട് അഡ്വ ചാർളി പോളും ചേർന്ന് സ്കൂൾ ഹെഡ്മിസ്ട്രസ് ഷൈജ വർഗീസിന് കൈമാറുന്നു. നെടുമ്പാശ്ശേരി പഞ്ചായത്ത് പതിനാലാം വാർഡ് മെമ്പർ എൻ എസ് അർച്ചന, പി.റ്റി.എ. ഭാരവാഹികളായ ബീന റിജീഷ്, സി. കെ. വിശ്വേശ്വരൻ, എ.പി.ജി. നായർ തുടങ്ങിയവർ സമീപം.

തുരുത്തുശ്ശേരി: തുരുത്തുശ്ശേരി ഗവൺമെൻറ് എൽപി സ്കൂളിലെ വിദ്യാർഥികൾക്ക് ജനസേവ ശിശുഭവൻ യൂണിഫോം വിതരണം ചെയ്തു. സ്കൂൾ അങ്കണത്തിൽ വച്ച് നടന്ന ചടങ്ങിൽ ജനസേവ ചെയർമാൻ ജോസ് മാവേലിയും പ്രസിഡൻറ് അഡ്വ ചാർളി പോളും പങ്കെടുത്തു.

നെടുമ്പാശ്ശേരി, ചെങ്ങമനാട് പഞ്ചായത്തുകളിലെ 130 -ഓളം സാധാരണ കുടുംബത്തിൽപ്പെട്ട കുട്ടികൾക്കാണ് ജനസേവയുടെ സഹായഹസ്തം എത്തിയത്. നെടുമ്പാശ്ശേരി പഞ്ചായത്ത് പതിനാലാം വാർഡ് മെമ്പർ എൻ എസ് അർച്ചന, സ്കൂൾ ഹെഡ്മിസ്ട്രസ് ഷൈജ വർഗീസ്, പി.റ്റി.എ. ഭാരവാഹികളായ ബീന റിജീഷ്, സി. കെ. വിശ്വേശ്വരൻ, എ.പി.ജി. നായർ തുടങ്ങിയവർ ചടങ്ങിന് നേതൃത്വം നൽകി. 

Advertisment