മനോഭാവത്തിലും പ്രവ‍ൃത്തിയിലും നേതൃത്വം പ്രായോഗികമാക്കണം - ട്വൻ്റി 20 പാർട്ടി ഉപാധ്യക്ഷൻ വി. ഗോപകുമാർ

തിരുവാണിയൂർ: മനോഭാവത്തിലും പ്രവൃത്തിയിലും നേതൃത്വം പ്രായോഗികമാക്കണമെന്ന് ട്വൻ്റി 20 പാർട്ടി ഉപാധ്യക്ഷൻ വി. ഗോപകുമാർ പറഞ്ഞു. ട്വൻ്റി 20 പാർട്ടി തിരുവാണിയൂർ പഞ്ചായത്ത് തല പ്രവർത്തക കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

നേതൃത്വം ഉത്തരവാദിത്വമാണ്. ആളുകളുടെ വളർച്ചയും വികാസവുമാണ് നേതാവ് ലക്ഷ്യം വയ്ക്കേണ്ടതെന്നും അദ്ദേഹം തുടർന്നു പറഞ്ഞു. വൈറ്റ് ഹൗസിൽ നടന്ന ചടങ്ങിൽ കുന്നത്ത് നാട് നിയോജക മണ്ഡലം പ്രസിഡൻ്റ് ജിബി എബ്രഹാം അധ്യക്ഷനായിരുന്നു. സംസ്ഥാന എക്സിക്യൂട്ടീവ് ബോർഡ് അംഗം അഡ്വ ചാർളി പോൾ നേതൃത്വ പരിശീലന ക്ലാസ് നയിച്ചു. 

ജില്ലാ കോ-ഓർഡിനേറ്റർ റോയി വി ജോർജ്, ടി.കെ. ബിജു, പി. വൈ എബ്രഹാം, ഓ ജെ പൗലോസ് എന്നിവർ പ്രസംഗിച്ചു. തിരുവാണിയൂർ പഞ്ചായത്തിലെ എല്ലാ വാർഡുകളിലും മത്സരിക്കുവാൻ തീരുമാനിച്ചു.