പ്രശസ്ത നാടകകൃത്ത് ടി.എൻ മോഹനൻ്റെ ഇല പൊഴിയും കാലം എന്ന നാടകത്തിൻ്റെ പുസ്തക പ്രകാശനം നടത്തി

ആമ്പല്ലൂർ/ എറണാകുളം: പ്രശസ്ത നാടക രചയിതാവ് ടി എൻ മോഹനൻ രചിച്ച ഇലപൊഴിയും കാലം എന്ന നാടകത്തിൻ്റെ പുസ്തക പ്രകാശനം, ആമ്പല്ലൂർ, തോട്ടറ സംസ്കൃത യു പി സ്കൂൾ നവതി ഹാളിൽ നടന്നു. 

കേരള സംഗീത നാടക അക്കാദമി അവാർഡ് നേടിയ പ്രദീപ് മാളവിക, സാഹിത്യകാരൻ രാജ് കാഞ്ഞിരമറ്റത്തിന് പുസ്തകം നൽകി പ്രകാശനം നിർവഹിയ്ക്കുകയായിരുന്നു. 

ചിത്രാ കൾച്ചറൽ സൊസൈറ്റി  സംഘടിപ്പിച്ച പുസ്തക പ്രകാശന ചടങ്ങ് ആമ്പല്ലൂർ ഗ്രാമ പഞ്ചായത്ത്  പ്രസിഡന്റ് ബിജു എം തോമസ് ഉത്ഘാടനം ചെയ്തു. ചെമ്പ് ഗ്രാമപഞ്ചായത്ത് പ്രസിഡണ്ട്, സുകന്യാ സുകുമാരൻ വിദ്യാഭ്യാസ അവാർഡ് വിതരണം ചെയ്തു. 

സി ആർ ദിലീപ് കുമാർ, കെ പി പ്രശാന്ത് കുമാർ, ബെന്നി എം ജി, ഇ എൻ ഗോപി, യൂസഫ് കീച്ചേരി, കെ എസ് രാധാകൃഷ്ണൻ, എന്നിവർ സംസാരിച്ചു. കലാ-സാമൂഹ്യ സാംസ്കാരിക നാടക പ്രവർത്തകരുടെ വലിയ സാന്നിദ്ധ്യം ചടങ്ങിന് പകിട്ടേകി.

ഇരുപത് വയസ്സിൽ തുടങ്ങി 22 ൽ പരം നാടകങ്ങൾ രചിച്ച ടി.എൻ മോഹനന്റെ സാഹിത്യസപര്യയ്ക്ക് ജന്മനാട് ഒരുക്കിയ സ്നേഹാദരവിന് അദ്ദേഹം മറുപടി പ്രസംഗത്തിൽ നന്ദി പറഞ്ഞു പറഞ്ഞു.