എറണാകുളം ജില്ലയിലെ പട്ടികജാതി പട്ടികവർഗ പ്രമോട്ടർമാർക്കായി ജില്ലാ തല ബോധവത്ക്കരണ സെമിനാർ നടത്തി

കാക്കനാട്: എറണാകുളം സിറ്റി പോലീസിന്റെ ആഭിമുഖ്യത്തിൽ എറണാകുളം ജില്ലയിലെ പട്ടികജാതി പട്ടികവർഗ പ്രമോട്ടർമാർക്കായി പട്ടികജാതി പട്ടിക വർഗ്ഗ അതിക്രമം തടയൽ നിയമം, പൗരാവകാശ സംരക്ഷണ നിയമം എന്നീ വിഷയങ്ങളിൽ ബോധവത്ക്കരണ സെമിനാർ നടത്തി.

 എറണാകുളം കളക്ടറേറ്റ് കോൺഫറൻസ് ഹാളിൽ നടന്ന സെമിനാർ ജില്ലാ പട്ടികജാതി വികസന ഓഫീസർ ലിസ  ജെ മങ്ങാട്ട് ഉദ്ഘാടനം ചെയ്തു . അഡ്വ. ചാർളി പോൾ, ജിയാസ് ജമാൽ എന്നിവർ ട്രെയിനിംങ് ക്ലാസുകൾ നയിച്ചു.

ഡിസിആർബി പ്രതിനിധി സുരാജ് അലിശ്ശേരി ആശംസകൾ നേർന്നു. അസിസ്റ്റൻറ് ജില്ലാ പട്ടികജാതി വികസന ഓഫീസർ ഐ. പി ശൈലഷ്   സ്വാഗതവും വി .പി ദിലീപ് കുമാർ നന്ദിയും പറഞ്ഞു.