മാതാപിതാക്കൾക്ക് പ്രകാശവും പ്രത്യാശയും ഉള്ളവരാകണം: മാർ ജോർജ്ജ് മഠത്തികണ്ടത്തിൽ

മൂവാറ്റുപുഴ: "മാതാക്കൾ പ്രകാശവും പ്രത്യാശയും ഉള്ളവരാകണം" - മാർ ജോർജ്ജ് മഠത്തികണ്ടത്തിൽ. കോതമംഗലം രൂപത പ്രവർത്തന വർഷ ഉദ്ഘാടനം നിർവഹിച്ച സംസാരിക്കുകയായിരുന്നു അദ്ദേഹം. 

മാതാപിതാക്കൾക്ക് ആത്മീയമായ ഉന്നമനം ഉണ്ടായാൽ മാത്രമേ മക്കളെ വിശ്വാസത്തിൽ വളർത്തിക്കൊണ്ടു വരാൻ സാധിക്കുകയുള്ളൂ. ഉപദേശമല്ല മാതൃകയാണ് ഈ കാലഘട്ടത്തിന്റെ ആവശ്യം. 

കുറ്റങ്ങൾ മാത്രം കണ്ടെത്തി പറയാതെ പോസിറ്റീവ് എനർജി കൊടുക്കുന്ന മാതാക്കൾ ആയിരിക്കണം ഈ പുതിയ കാലഘട്ടത്തിന്റെ ഭവനങ്ങളിൽ ഉണ്ടായിരിക്കേണ്ടത്. 

മൂവാറ്റുപുഴ നിർമ്മല ഹയർ സെക്കൻഡറി സ്കൂൾ ഓഡിറ്റോറിയത്തിൽ വച്ച് നടന്ന മാതൃവേദി രൂപത പ്രവർത്തന വർഷ ഉദ്ഘാടനം നിർവഹിച്ച് അദ്ദേഹം സംസാരിച്ചു. 

ചടങ്ങിൽ രൂപത പ്രസിഡണ്ട് ജാൻസി മാത്യു അധ്യക്ഷയായിരുന്നു. രൂപതാ ഡയറക്ടർ റവ. ഡോ. ആന്റണി പുത്തൻകുളം ആമുഖപ്രഭാഷണം നടത്തി. മൂവാറ്റുപുഴ ഹോളി മാഗി പള്ളി  വികാരി റവ.ഡോ. മാനുവൽ പിച്ചളക്കാട്ട് അനുഗ്രഹ പ്രഭാഷണം നടത്തി. 

പ്രവർത്തനപക്ഷത്തെ മാർഗരേഖ മാർ ജോർജ് മഠത്തി കണ്ടത്തിൽ പിതാവ് രൂപത പ്രസിഡന്റ് ജാൻസി മാത്യുവിന് നൽകിക്കൊണ്ട് പ്രകാശനം ചെയ്തു. രൂപത വൈസ് പ്രസിഡണ്ട് സെലിൻ ലൂയിസ്, രൂപതാ ആനിമേറ്റർ സി. ആനി തെരേസ, സെക്രട്ടറി ജൂഡി ഡാലു എന്നിവർ പ്രസംഗിച്ചു. 

പ്രീത ജോണി, സിജി ജോമി, സിൽജ ജോളി, മിനി ജോസ് തുടങ്ങിയവർ ചടങ്ങുകൾക്ക് നേതൃത്വം നൽകി. മാതാപിതാക്കളുടെ വിവിധ കലാപരിപാടികൾ ചടങ്ങിന് മാറ്റു കൂട്ടി. സ്നേഹവിരുന്നോടെ യോഗ പരിപാടികൾ സമാപിച്ചു.