മലദ്വാരത്തിലൊളിപ്പിച്ച് സ്വര്‍ണ്ണക്കടത്ത്: കണ്ണൂരില്‍ എയര്‍ ഹോസ്റ്റസ് പിടിയില്‍; പിടിച്ചെടുത്തത് 960 ഗ്രാം സ്വര്‍ണ്ണം

കണ്ണൂർ: മലദ്വാരത്തിൽ  സ്വർണ്ണം ഒളിപ്പിച്ചു കടത്താൻ ശ്രമിച്ച എയർ ഇന്ത്യ എക്സ്പ്രസ് ക്യാബിൻ ക്രൂ  കണ്ണൂർ രാജ്യാന്തര വിമാനതാവളത്തിൽ പിടിയിലായി. കൊൽക്കത്ത സ്വദേശി സുരഭി കാത്തൂണാണ് കണ്ണൂർ വിമാനത്താവളത്തിൽ നിന്ന് പിടിയിലായത്. 960 ഗ്രാം സ്വർണമാണ് പിടികൂടിയത്.

മസ്കറ്റിൽ നിന്നും കണ്ണൂരിലേക്ക് വന്ന എയർ ഇന്ത്യ എക്സ്പ്രസ്സിലെ ക്യാബിൻ ക്രൂ ആയിരുന്നു സുരഭി.
മലദ്വാരത്തിൽ സ്വർണം ഒളിപ്പിച്ച് കടത്താൻ ശ്രമിച്ചതിൽ ക്യാബിൻ ക്രൂ പിടിയിലാവുന്ന ഇന്ത്യയിലെ ആദ്യ സംഭവം എന്ന് അധികൃതർ വ്യക്തമാക്കി.