ബ്ലാ​ക്ക്മാ​ൻ രണ്ടും കൽപ്പിച്ച് തന്നെ! ക്യാ​മ​റ​യി​ൽ കു​ടു​ങ്ങി​യി​ട്ടും കുലുക്കമില്ല; ഭീതി പരത്തി രാത്രി സഞ്ചാരം തുടരുന്നു, പിന്നാലെ പോലീസും

കണ്ണൂർ: ചെറുപുഴയിൽ ഭീതി പരത്തി രാത്രി സഞ്ചാരം നടത്തുന്ന ബ്ലാക്ക്മാൻ ഇപ്പോഴും കാണാമറയത്ത് തന്നെ. കഴിഞ്ഞ ദിവസം സി​സി​ടി​വി ക്യാ​മ​റ​യി​ൽ കു​ടു​ങ്ങി​യി​ട്ടും ബ്ലാക്ക്മാന് ഒരു കുലുക്കവുമില്ല. പോ​ലീ​സ് അ​ന്വേ​ഷ​ണ​വും പ​ട്രോ​ളിം​ഗും തുടരുന്നതിനിടയിലും ബ്ലാക്ക്മാൻ വീണ്ടും പ്രാ​പ്പൊ​യി​​ൽ ഭാ​ഗത്തെത്തി. 

പു​തു​വ​ക്ക​ൽ സു​രേ​ഷി​ന്‍റെ വീ​ട്ടി​ലാ​ണ് ബ്ലാ​ക്ക്മാ​ൻ ഇന്നലെ രാത്രി എ​ത്തി​യ​ത്. വീ​ടി​ന്‍റെ വാ​തി​ലി​ൽ ബ്ലാ​ക്ക്മാ​ൻ മു​ട്ടി വി​ളി​ച്ചു. വീ​ട്ടു​കാ​ർ ഉ​ണ​ർ​ന്ന് ലൈ​റ്റി​ട്ട​പ്പോ​ഴേ​ക്കും അ​പ്ര​ത്യ​ക്ഷ​നാ​യി. പ്രാ​പ്പൊ​യി​ൽ പ​ഴ​യ റേ​ഷ​ൻ ക​ട​യ്ക്ക് സ​മീ​പം മു​സ്ത​ഫ​യു​ടെ ക​ട​യു​ടെ ചു​മ​രി​ൽ ബ്ലാ​ക്ക്മാ​നെ​ന്ന് എ​ഴു​തു​ക​യും ചെ​യ്തു.

ജൂ​ലൈ ആ​ദ്യം കോ​ടോ​പ്പ​ള്ളി​യി​ലാ​ണ് മു​ഖം​മൂ​ടി ധ​രി​ച്ച ന​ഗ്ന​നാ​യ വ്യ​ക്തി രാ​ത്രി വാ​തി​ലി​ലും ജ​ന​ലി​ലും ത​ട്ടി വി​ളി​ക്കു​ന്ന​താ​യും പൈ​പ്പ് തു​റ​ന്നി​ടു​ക​യും ഉ​ണ​ങ്ങാ​നി​ട്ടി​രി​ക്കു​ന്ന തു​ണി​ക​ൾ മ​ട​ക്കി വ​യ്ക്കു​ക​യും ചെ​യ്യു​ന്ന​താ​യി നാ​ട്ടു​കാ​ർ പ​റ​ഞ്ഞ​ത്.

പി​ന്നീ​ട് ചെ​ക്കി​ച്ചേ​രി, തേ​ർ​ത്ത​ല്ലി, ര​യ​റോം, മൂ​ന്നാം​കു​ന്ന്, കു​ണ്ടേ​രി, എ​യ്യ​ൻ​ക​ല്ല്, പ്രാ​പ്പോ​യി​ൽ ഈ​സ്റ്റ്, കോ​ക്ക​ട​വ്, തി​രു​മേ​നി, പ്രാ​പ്പോ​യി​ൽ, മു​ള​പ്ര, ക​ന്നി​ക്ക​ളം, കോ​ലു​വ​ള്ളി തു​ട​ങ്ങി​യ സ്ഥ​ല​ങ്ങ​ളി​ലെ​ത്തി നി​ര​വ​ധി വീ​ടു​ക​ളു​ടെ ക​ത​കു​ക​ളി​ലും ജ​ന​ലു​ക​ളി​ലും ത​ട്ടി​യും ഹ​ലോ എ​ന്നും വി​ളി​ച്ചും ഭ​യ​പ്പെ​ടു​ത്തി.

ഏ​തോ സാ​മൂ​ഹ്യ വി​രു​ദ്ധ​നാ​ണ് ഇ​തി​നു പി​ന്നി​ലെ​ന്നാ​ണ് പോ​ലീ​സ് പ​റ​യു​ന്ന​ത്. കൂ​ടു​ത​ൽ പ്ര​ചാ​ര​ണം ന​ൽ​കു​ന്ന​താ​ണ് ഇ​യാ​ൾ​ക്ക് പ്ര​ചോ​ദ​ന​മാ​കു​ന്ന​തെ​ന്നും അ​തേ സ​മ​യം ജാ​ഗ്ര​ത പു​ല​ർ​ത്ത​ണ​മെ​ന്നും പോ​ലീ​സ് പ​റ​യു​ന്നു.