കണ്ണൂർ എയർപോർട്ടിന് 'പോയിന്‍റ് ഓഫ് കോൾ' പദവി നൽകണമെന്ന് ആവശ്യപ്പെട്ട് ആക്ഷൻ കൗൺസിൽ ചെയർമാൻ രാജീവ്‌ ജോസഫിന്റെ നിരാഹാര സത്യാഗ്രഹം അഞ്ചാം ദിവസം: എയർപോർട്ട് ഷെയർ ഹോൾഡേഴ്‌സ് സമരത്തിന് പിന്തുണ പ്രഖ്യാപിച്ചു

മട്ടന്നൂർ: 'പോയിന്‍റ് ഓഫ് കോൾ' പദവിക്കുവേണ്ടി കണ്ണൂർ എയർപോർട്ട് ആക്ഷൻ കൗൺസിൽ ചെയർമാൻ രാജീവ്‌ ജോസഫ് നടത്തുന്ന  അനിശ്ചിതകാല നിരാഹാര സത്യാഗ്രഹത്തിന് പിന്തുണ പ്രഖ്യാപിച്ച് കണ്ണൂർ എയർപോർട്ട് ഷെയർ ഷെയർ ഹോൾഡേഴ്‌സ് അസോസിയേഷൻ നേതാക്കൾ സത്യാഗ്രഹ വേദിയിൽ എത്തി. 

ചെയർമാൻ അബ്ദുൾ കാദർ പനങ്ങാട്ട്, ജനറൽ കൺവീനർ സി. പി സലാം തുടങ്ങിയവരുടെ നേതൃത്വത്തിൽ സമരവേദിയിൽ എത്തിയ ഷെയർ ഹോൾഡേഴ്‌സ് അസോസിയേഷൻ നേതാക്കൾ, രാജീവ്‌ ജോസഫിന്റെ സത്യാഗ്രഹത്തിന് ഐഖ്യദാർഢ്യം പ്രഖ്യാപിച്ചു.