കാസര്ഗോഡ്: കാസര്ഗോഡ് റിയാസ് മൗലവി വധക്കേസില് ഹൈക്കോടതിയില് അപ്പീല് നല്കുമെന്ന് ഭാര്യ സൈദ. മൂന്ന് ആര്എസ്എസ് പ്രവര്ത്തകരെ വെറുതെവിട്ട വിചാരണ കോടതി വിധിക്കെതിരെയാണ് അപ്പീല്.
പ്രോസിക്യൂഷന് വീഴ്ച സംഭവിച്ചിട്ടില്ലെന്നും ഹൈക്കോടതിയില് പൂര്ണ വിശ്വാസമെന്നും സൈദ പറഞ്ഞു. കേസില് സ്പെഷ്യല് പബ്ലിക് പ്രോസിക്യൂട്ടറായിരുന്ന അഡ്വ.ടി.ഷാജിത്ത് മുഖാന്തരമാണ് അപ്പീല് നല്കുക.
വിധിയില് കഴിഞ്ഞ ദിവസമാണ് സര്ക്കാര് അപ്പീല് നല്കിയത്. കൊലപാതകത്തില് വിഷലിപ്ത വര്ഗ്ഗീയതയുണ്ടെന്നും മലയാള ഭാഷ വശമില്ലാത്ത ജഡ്ജിമാര് സാക്ഷിമൊഴികള് വ്യക്തമായി മനസിലാക്കിയില്ലെന്നും സര്ക്കാര് വ്യക്തമാക്കി.
അപ്പീല് കാലയളവില് പ്രതികളെ റിമാന്ഡ് ചെയ്യണമെന്നാവശ്യപ്പെട്ട് പ്രത്യേക ഹര്ജിയും സര്ക്കാര് നല്കിയിട്ടുണ്ട്.