നിയന്ത്രണംവിട്ട കാര്‍ പാഞ്ഞുകയറിയത് ഓട്ടോറിക്ഷാ സ്റ്റാന്‍ഡിലേക്ക്; അഞ്ചോളം ഓട്ടോറിക്ഷകള്‍ തകര്‍ന്നു, ഡ്രൈവര്‍മാര്‍ക്ക് പരിക്ക്‌; സംഭവം കൊല്ലം ചിറ്റമലയില്‍

കൊല്ലം: കൊല്ലം ചിറ്റമലയില്‍ നിയന്ത്രണം വിട്ട കാര്‍ ഓട്ടോറിക്ഷാ സ്റ്റാന്‍ഡിലേക് പാഞ്ഞുകയറി. കാറിടിച്ച് അഞ്ചോളം ഓട്ടോറിക്ഷകള്‍ തകര്‍ന്നു. ഡ്രൈവര്‍മാര്‍ക്ക് പരിക്കേറ്റു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. 

വൈകിട്ട് നാല് മണി കഴിഞ്ഞാണ് സംഭവം. അമിതവേഗതയിലായിരുന്നു കാര്‍ എന്ന് ദൃക്‌സാക്ഷികള്‍ പറയുന്നു. കാറോടിച്ചയാളെ പൊലീസ് കസ്റ്റഡിയിലെടുത്തു.