കരൂരിലെ  വികസന സദസ് ഉദ്ഘാടനം ചെയ്ത് ജോസ് കെ മാണി എംപി

കോട്ടയം:  കരൂർ ​ഗ്രാമപഞ്ചായത്തിലെ വികസനസദസിന്‍റെ ഉദ്ഘാടനവും ​പ്രോ​ഗ്രസ് റിപ്പോർട്ടിന്റെ പ്രകാശനവും ജോസ് കെ. മാണി എം.പി നിർവഹിച്ചു.

വലവൂർ കോ- ഓപ്പറേറ്റീവ് ബാങ്ക് കൺവെഷൻ സെന്‍ററിൽ നടന്ന ചടങ്ങിൽ ​ഗ്രാമപഞ്ചായത്ത് പ്രസിഡന്‍റ് അനസ്യ രാമൻ അധ്യക്ഷത വ​ഹിച്ചു. ​ഗ്രാമപഞ്ചായത്ത് സെക്രട്ടറി സെറീന അബ്ദുൾ അസീസ് പഞ്ചായത്തിലെ വികസന പ്രവർത്തനങ്ങളുടെ അവതരണം നടത്തി.  

​ഗ്രാമീണ മേഖലയിലെ മൺ റോഡുകൾ ടാർ ചെയ്യുക,   കാർഷിക ഓപ്പൺ മാർക്കറ്റ് സ്ഥാപിക്കുക, ലൈഫ് ഭവന പദ്ധതിയുടെ തുക വർധിപ്പിക്കുക, കാർഷിക മേഖലയിൽ തൊഴിൽ സേന  രൂപീകരിക്കുക എന്നീ നിർദേശങ്ങൾ ചർച്ചയിൽ ഉയർന്നു. 

​ഗ്രാമപഞ്ചായത്ത് വൈസ് പ്രസിഡന്‍റ് സാജു ജോർജ്ജ് വെട്ടത്തേട്ട്, ജില്ലാ പഞ്ചായത്തം​ഗം രാജേഷ് വാളിപ്ലാക്കൽ, ബ്ലോക്ക് പഞ്ചായത്തം​ഗങ്ങളായ ലിസമ്മ ബോസ് വരകിൽപ്പറമ്പിൽ, റാണി ജോസ് കോയിക്കാട്ടിൽ, ​ഗ്രാമപഞ്ചായത്തം​ഗങ്ങളായ മോളി ടോമി, മഞ്ജു ബിജു, സീന ജോൺ, ലിന്‍റേൺ ജോസഫ്, അഖില അനിൽകുമാർ, ആനിയമ്മ ജോസ്, ​പ്രേമ കൃഷ്ണസ്വാമി, പ്രിൻസ് അ​ഗസ്റ്റിൻ, ​ഗിരിജ ജയൻ, ​ബെന്നി വർ​ഗീസ് മുണ്ടത്താനം, വൽസമ്മ തങ്കച്ചൻ എന്നിവർ പങ്കെടുത്തു.