മരങ്ങാട്ടുപിള്ളി ചേറാടിക്കാവ് ക്ഷേത്രത്തില്‍ അക്ഷരപൂജ നടത്തി. മേല്‍ശാന്തിയുടെ നേതൃത്വത്തില്‍ നിരവധി പേര്‍ ആദ്യക്ഷരം കുറിച്ചു

മരങ്ങാട്ടുപിള്ളി: ചേറാടിക്കാവ് ഭഗവതി ക്ഷേത്രത്തില്‍ പൂജയെടുപ്പ്, വിജയദശമി ആഘോഷങ്ങളുടെ ഭാഗമായി മേല്‍ശാന്തി അരുണ്‍ തിരുമേനിയുടെ നേതൃത്വത്തില്‍ വ്യാഴാഴ്ച നിരവധി പേര്‍ ആദ്യക്ഷരം കുറിച്ചു.  

നേരത്തെ ക്ഷേത്രത്തില്‍ പൂജയ്ക്കു വെച്ച പാഠപുസ്തകങ്ങളും തൊഴിലുപകരണങ്ങളും തിരികെ നല്‍കി. ഗണപതിഹോമം ഉള്‍പ്പടെ പ്രത്യേക പൂജ വഴിപാടുകളും നടന്നു.  

വിജയദശമി ദിനത്തില്‍ അക്ഷരം കുറിക്കാനെത്തിയവര്‍ക്കെല്ലാം പൂജിച്ച പേനകളും പ്രസാദവും വിതരണം ചെയ്തു. പരിപാടികള്‍ക്ക് എ.എസ്. ചന്ദ്രമോഹനന്‍, കെ.കെ. സുധീഷ്, ഓമന സുധന്‍, ബിന്ദു സോമന്‍, രാധ കൃഷ്ണന്‍കുട്ടി, കെ.കെ.നാരായണന്‍, എ.എസ്.സുരേഷ്കുമാര്‍, അരവിന്ദ് വിജയന്‍ തുടങ്ങിയവര്‍ നേതൃത്വം നല്‍കി.