എം.സി റോഡിൽ കെ.എസ്.ആർ.ടി.സി മിന്നൽ ബസും സ്കൂട്ടറും കൂട്ടിയിടിച്ച് അപകടം. സ്കൂട്ടർ യാത്രക്കാരായ പോലീസുകാരന് ഗുരുതര പരുക്ക്. പരുക്കേറ്റത് എരുമേലി പോലീസ് സ്റ്റേഷനിലെ സി.പി.ഒ കെ.ആർ. അജേഷിന്

കോട്ടയം: എംസി റോഡിൽ ചൂട്ടുവേലി മഠം ജങ്ങ്ഷന് സമീപം കെ.എസ്.ആർ.ടി.സി ബസും സ്കൂട്ടറും കൂട്ടിയിടിച്ച് സ്കൂട്ടർ യാത്രക്കാരായ പോലീസുകാരന് ഗുരുതര പരുക്ക്.

എരുമേലി പോലീസ് സ്റ്റേഷനിലെ സിവിൽ പോലീസ് ഓഫിസർ വയലാ ഇലയ്ക്കാട് സ്വദേശി കെ. ആർ. അജേഷിനാണ് (40 ) പരുക്കേറ്റത്. 

അജേഷ് കോട്ടയം മെഡിക്കൽ കോളജിൽ വെൻ്റിലേറ്ററിലാണ്. ഞായറാഴ്ച പുലർച്ചെ   12-നാണ് അപകടം. കോട്ടയത്തക്ക് വരികയായിരുന്നു അജേഷ് - മാനന്തവാടിക്കുള്ള കെ.എസ്എടി സി മിന്നൽ ബസാണ് ഇടിച്ചത്. 

സ്കൂട്ടർ ബസിനടിയിലേക്ക് കയറിപ്പായി. അപകടത്തിൽ അജേഷിൻ്റെ കാലൊടിഞ്ഞു. തലയ്ക്കും പരുക്കുണ്ട്.  മഠം ജംഗ്ഷന് സമീപത്തെ വളവിലാണ് അപകടമുണ്ടായത‌്. ഗാഡിനഗർ പോലീസ് സ്ഥലത്തെത്തി മേൽ നടപടികൾ സ്വീകരിച്ചു.