കോട്ടയം ജില്ലാ തല റിപബ്ലിക് ദിനാഘോഷം നാളെ

കോട്ടയം: ജില്ലാ തല റിപബ്ലിക് ദിനാഘോഷം വെള്ളിയാഴ്ച രാവിലെ കോട്ടയം പോലീസ് പരേഡ് ഗ്രൗണ്ടിൽ നടക്കും. രാവിലെ 9.00 മണിക്ക് സഹകരണ-തുറമുഖം വകുപ്പുമന്ത്രി വി.എൻ. വാസവൻ പതാക ഉയർത്തും. തുടർന്ന് സല്യൂട്ട് സ്വീകരിക്കും. 

പരേഡിൽ 23 പ്ലാറ്റൂണുകൾ പങ്കെടുക്കും. പോലീസ്, എക്സൈസ്, വനംവകുപ്പ്, അഗ്‌നിരക്ഷാസേന, എൻ.സി.സി, സ്റ്റുഡന്റ് പോലീസ് കേഡറ്റ്, സ്‌കൗട്ട്, ഗൈഡ്സ്, സ്‌കൂൾ ബാൻഡ് അടക്കമുള്ള പ്ലാറ്റൂണുകൾ പരേഡിൽ അണിനിരക്കും.