വൈ​ക്കം - വെ​ച്ചൂ​ർ റോ​ഡ് തകർന്ന് യാത്ര ദുഷ്കരം. തകർന്നത് പ്രതിഷേധങ്ങളെ തുടർന്ന് 2023 ൽ നവീകരിച്ച റോഡ്. റോഡിൽ വാഴ നട്ട് പ്രതിഷേധിച്ച് നാട്ടുകാർ. ഇന്ന് നടന്നത് രണ്ട് അപകടങ്ങൾ.

കോട്ടയം:  വൈ​ക്കം - വെ​ച്ചൂ​ർ - അംബികമാർക്കറ്റ് റോഡ് തകർന്നു യാത്ര ദുഷ്കരമായി. ഇന്ന് അംബികമാർക്കറ്റിൽ രണ്ട് അപകടങ്ങൾ ഉണ്ടായി.  ഭാഗ്യം കൊണ്ടു മാത്രമാണ് യാത്രക്കാർ രക്ഷപെട്ടത്. കഴിഞ്ഞ ദിവസം പുത്തൻ പാലം ഭാഗത്ത് നാല്  അപകടങ്ങളിലായി മൂന്ന് പേർക്ക് പരുക്കേറ്റിരുന്നു. 2023 ൽ  നവീകരിച്ച റോഡാണ് ഒരു വർഷം കൊണ്ട് തകർന്നു കിടക്കുന്നത്. വർഷങ്ങളുടെ പ്രതിഷേധങ്ങൾ കൊടുവിലാണ് റോഡ് നവീകരിച്ചത്. എന്നാൽ ഒരു വർഷം കഴിഞ്ഞപ്പോഴേയ്ക്കും റോഡ് വീണ്ടും കുഴി നിറഞ്ഞ അവസ്ഥയിലായി. പി.ഡബ്ല്യു.ഡി റോഡിൽ നടത്തിയ നവീകരണ പ്രവർത്തനങ്ങളിലും നാട്ടുകാർ അഴിമതി ആരോപിക്കുന്നു.

റോഡ് തകർന്നതോടെ ഇരുചക്ര വാഹനനങ്ങൾ ഉൾപ്പെടെ അപകടത്തിൽപ്പെടുന്നത് പതിവായി. ദിനംപ്രതി നൂറുകണക്കിന് വാഹനങ്ങൾ കടന്നു പോകുന്ന റോഡാണ് തകർന്നു കിടക്കുന്നത്.   യാ​ത്ര ദു​ഷ്ക​ര​മാ​യതോടെ പ്ര​തി​ഷേ​ധ സൂ​ച​ക​മാ​യി നാ​ട്ടു​കാ​ർ റോഡിൽ വാ​ഴ​ന​ട്ടു. വെ​ച്ചൂ​ർ ഇ​ട​യാ​ഴം ഭാ​ഗ​ത്ത് കു​ഴി​ക​ൾ ഏ​റെ​യു​ള്ള ഭാ​ഗ​ത്താ​ണ് നാ​ട്ടു​കാ​ർ വാ​ഴ ന​ട്ട​ത്. മ​ഴ​വെ​ള്ളം നി​റ​ഞ്ഞ ആ​ഴ​മേ​റി​യ കു​ഴി​ക​ള​റി​യാ​തെ ഇ​രു​ച​ക്ര വാ​ഹ​ന​ങ്ങ​ൾ അ​പ​ക​ട​ത്തി​ൽ​പ്പെ​ടു​ന്ന​ത് പ​തി​വാ​യ​തോ​ടെ​യാ​ണ് പ്ര​ദേ​ശ​വാ​സി​ക​ൾ പ്ര​തി​ഷേ​ധ​വു​മാ​യെ​ത്തി​യ​ത്. മഴ മാറിയ ശേഷം റോഡ് എത്രയും വേഗം റീ ടാറിംഗ് നടത്തണമെന്ന് നാട്ടുകാർ ആവശ്യപ്പെട്ടു.