കോട്ടയത്തെ കെ.എസ്.ആർ.ടി.സി സ്റ്റാൻഡിൽ പിന്നോട്ട് എടുത്ത ബസ് മതിൽ കെട്ടിൽ നിന്നും താഴേയ്ക്ക് പതിച്ചു. യാത്രക്കാരില്ലാതിരുന്നതിനാൽ വൻ അപകടം ഒഴിവായി. അപകടം ബസ് പാർക്ക് ചെയ്യാൻ ശ്രമിക്കുന്നതിനിടെ

കോട്ടയം: കെ.എസ്.ആർ.ടി.സി സ്റ്റാൻഡിൽ പിന്നോട്ട് എടുത്ത ബസ് മതിൽ കെട്ടിൽ നിന്നും താഴേയ്ക്ക് പതിച്ചു. ഇന്ന് രാവിലെ 11.30 ന്  ആയിരുന്നു അപകടം.

തൃശൂർ ഡിപ്പോയുടെ ബസ് ട്രിപ്പ് കഴിഞ്ഞു പാർക്ക് ചെയ്യാൻ ഡ്രൈവർ ശ്രമിക്കുന്നതിനിടെ നിയന്ത്രണം നഷ്ടമായി ബസ് പിന്നിലേക്ക് ഉരുളുകയായിരുന്നു.

ബസിന്റെ പിൻ ചക്രങ്ങൾ ഗാരേജിന്റെ ഭാഗത്തേയ്ക്കുള്ള മതിൽ കെട്ടിടൽ നിന്നും താഴേയ്ക്ക് പതിച്ചു. ബസിനുള്ളിൽ യാത്രക്കാരില്ലാതിരുന്നതിനാൽ വൻ അപകടം ഒഴിവായി. മുൻപും കോട്ടയത്തെ സ്റ്റാൻഡിൽ സമാന അപകടങ്ങൾ നടന്നിരുന്നു.