/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/11/23/zzFk1heXqvEiYhmDi6V6.jpg)
കോട്ടയം: തദ്ദേശ തെരഞ്ഞെടുപ്പില്‍ കുമരകം പിടിക്കാന്‍ തീവ്ര പ്രചാരണവുമായി മുന്നണികള്‍. പരിചയ സമ്പന്നരെയും പുതുമുഖങ്ങളെയും കളത്തിലിറക്കിയാണ് മൂന്നു മുന്നണികളും പ്രചാരണം ശക്തമാക്കിയിരിക്കുകയാണ്.
സ്ഥാനാർഥികൾ വീടുകയി രണ്ടു വട്ടം പ്രചാരണം പൂർത്തിയാക്കി. അധികാരം നിലനിര്‍ത്താന്‍ എല്‍.ഡി.എഫും ഭരണം പിടിക്കാന്‍ എന്‍.ഡി.എയും യു.ഡി.എഫും ഉറച്ചിരിക്കുകയാണ്.
പഞ്ചായത്തിലെ 16 വാര്‍ഡുകളിലായി 49 സ്ഥാനാര്‍ത്ഥികള്‍ മത്സരിക്കുന്നു. 27 വനിതാ സ്ഥാനാര്‍ഥികളും,22 പുരുഷ സ്ഥാനാര്‍ഥികളും ഉള്‍പ്പടെ 49 പേരാണ് ഇത്തവണ മത്സര രംഗത്തുള്ളത്.
ഏറ്റവും കൂടുതല്‍ സ്ഥാനാര്‍ഥികള്‍ മത്സരിക്കുന്ന എട്ട്, 13 വാര്‍ഡുകളിലാണ്. സ്വതന്ത്ര സ്ഥാനാര്‍ഥികള്‍ കൂടി മത്സരിക്കുന്നതിനാല്‍ ഈ രണ്ടു വാര്‍ഡിലും നാല് സ്ഥാനാര്‍ഥികള്‍ വീതമാണുള്ളത്.
ഏറ്റവും കുറവു സ്ഥാനാര്‍ഥികളുള്ളത് അഞ്ചാം വാര്‍ഡിലാണ്, രണ്ടു പേര്‍ മാത്രം. ബാക്കി 13 വാര്‍ഡുകളിലും മൂന്നു വീതം സ്ഥാനാര്‍ഥികള്‍ മത്സരിക്കും.
എല്‍.ഡി.എഫില്‍ പതിമൂന്നു സീറ്റില്‍ സി.പി.എമ്മൂം മൂന്നിടങ്ങളില്‍ സി.പി.ഐയും മത്സരിക്കുന്നു.ബി.ജെ.പി 15 വാര്‍ഡുകളില്‍ മത്സരിക്കുന്നു.
അഞ്ചാം വാര്‍ഡില്‍ ബി.ജെ.പിക്ക് സ്ഥാനാര്‍ത്ഥിയില്ല. ഏറ്റവും കൂടുതല്‍ സ്ഥാനാര്‍ഥികള്‍ ഒരേ ചിഹ്നത്തില്‍ മത്സരിക്കുന്നത് ബി.ജെ.പിയില്‍ നിന്നുമാണ്.
യു.ഡി.എഫില്‍ 13 വാര്‍ഡുകളില്‍ കോണ്‍ഗ്രസും ഒരു വാര്‍ഡില്‍ കേരള കോണ്‍ഗ്രസും മത്സരിക്കുമ്പോള്‍, രണ്ടിലും , അഞ്ചിലും സ്വതന്ത്ര സ്ഥാനാര്‍ഥികളെയാണ് യു.ഡി.എഫ്. പിന്തുണയ്ക്കുന്നത്.
കഴിഞ്ഞ പഞ്ചായത്ത് ഭരണ. പ്രതിപക്ഷ സമിതിയില്‍ ഉണ്ടായിരുന്ന 11 അംഗങ്ങള്‍ ഇത്തവണ വീണ്ടും മത്സരിക്കുന്നു. ബി.ജെ.പി - 4 ,എല്‍.ഡി.എഫ്- 4 ,യു.ഡി.എഫ് -3 തുടങ്ങി 11 പേരാണ് വീണ്ടും ജനവിധി തേടുന്നത്.