മരങ്ങാട്ടുപിള്ളി ചേറാടിക്കാവ് ക്ഷേത്രത്തില്‍ ശാസ്താവിന് അങ്കി സമര്‍പ്പിച്ചു

മരങ്ങാട്ടുപിള്ളി: മരങ്ങാട്ടുപിള്ളി ചേറാടിക്കാവ് ഭഗവതി ക്ഷേത്രത്തിലെ ശാസ്താവിന്‍റെ ശ്രീകോവിലിലേയ്ക്ക് പുതിയ അങ്കി സമര്‍പ്പിച്ചു. 

മരങ്ങാട്ടുപിള്ളി അമ്പാടിയില്‍ ഹരികൃഷ്ണന്‍ വഴിപാടായി മാന്നാറില്‍ നിന്ന് ഓടില്‍ തീര്‍ത്ത് എത്തിച്ചു സമര്‍പ്പിച്ച അങ്കി, ക്ഷേത്രം മേല്‍ശാന്തി പ്രവീണ്‍ തിരുമേനി,  പ്രസിഡന്‍റ് എ.എസ്.ചന്ദ്രമോഹനന്‍ , സെക്രട്ടറി കെ.കെ. സുധീഷ്, പി.ജി.രാജന്‍,  കെ.കെ.നാരായണന്‍, രാധ കൃഷ്ണന്‍കുട്ടി എന്നിവരുടെ നേതൃത്വത്തില്‍ ദേവസ്വം ഭാരവാഹികളും ഭക്തജനങ്ങളും ചേര്‍ന്ന് ഏറ്റുവാങ്ങി. 

പ്രദക്ഷിണ ഘോഷയാത്രയെ തുടര്‍ന്ന് ദീപാരാധനയും ഭജനയും അനുബന്ധ ചടങ്ങുകളും നടന്നു. 

വൃശ്ചികം  ഒന്നു മുതല്‍ തുടര്‍ന്നുവരുന്ന മണ്ഡല മഹോത്സവം 41-ാം ദിവസമായ വ്യാഴാഴ്ച പൊതു ഭജനയോടെ സമാപിക്കും.