പാലാ ഇടമറ്റത്ത് ബസ് അപകടം. ഡ്രൈവർ മരിച്ചു. നിരവധി പേർക്ക് പരിക്ക്

കോട്ടയം: പാലാ ഇടമറ്റത്ത്  സ്വകാര്യ ബസ് നിയന്ത്രണം വിട്ട് സമീപമുളള കലുങ്കിൽ  ഇടിച്ച് ഒരാൾ മരിച്ചു.

നിരവധി പേർക്ക് പരിക്കേറ്റു. ഇടമറ്റം മുകളേൽ ഗോപാലകൃഷ്ണൻ നായരുടെ മകൻ രാജേഷ് -(43) ആണ് മരിച്ചത്.

പൈക ഇടമറ്റം പാലാ റൂട്ടിൽ സർവീസ് നടത്തുന്ന കൂറ്റാരപ്പളളി ബസാണ് ഇന്ന് രാവിലെ ചീങ്കല്ല് ജം​ഗ്ഷന് സമീപം നിയന്ത്രണം വിട്ട് ഇടിച്ചത്. 

അപകടത്തിൽപെട്ട ബസിന്റെ ഡ്രൈവർ ആയിരുന്നു രാജേഷ്.  പരിക്കേറ്റവരെ പാലായിലെ വിവിധ ആശുപത്രികളിലേയ്ക്ക് മാറ്റി. 

ടിടിസി ജം​ഗ്ഷനിൽ നിന്ന് ആളെ കയറ്റി ചീങ്കല്ല് ജം​ഗ്ഷനിൽ എത്തുന്നതിന് മുൻപായിരുന്നു അപകടം ഉണ്ടായത്. മുണ്ടാട്ട് മില്ലിന് സമീപമുളള കലിങ്കിൽ ഇടിച്ച്  ബസ് നിയന്ത്രണം വിട്ട്  മറിയുകയായിരുന്നു.