പാലാ നഗരസഭയിൽ വികസന സദസ് ഉദ്ഘാടനം ചെയ്ത് ജോസ് കെ മാണി എംപി

കോട്ടയം: പാലായെ വികസനമാതൃകയാക്കി മാറ്റുമെന്നു ജോസ് കെ. മാണി എം.പി. പാലാ നഗരസഭയിലെ വികസനസദസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

 ബൃഹത്തായ പദ്ധതികളാണ് പാലായിൽ നടപ്പാക്കുന്നതെന്നും കായികമേഖലയ്ക്കായുള്ള ആശുപത്രി പാലായിൽ തുടങ്ങുമെന്നും ജോസ് കെ. മാണി എം.പി. പറഞ്ഞു.

മുനിസിപ്പൽ ടൗൺഹാളിൽ നടന്ന പരിപാടിയിൽ നഗരസഭാ അധ്യക്ഷൻ തോമസ് പീറ്റർ അധ്യക്ഷത വഹിച്ചു.  സംസ്ഥാന സർക്കാരിന്റെ നേട്ടങ്ങൾ  വികസനസദസ് റിസോഴ്സ് പേഴ്സൺ ബിലാൽ കെ. റാം അവതരിപ്പിച്ചു.

നഗരസഭാ സെക്രട്ടറി ജൂഹി മരിയ ടോം തദ്ദേശ സ്വയംഭരണ സ്ഥാപനത്തിന്റെ നേട്ടങ്ങളും അവതരിപ്പിച്ചു.

നഗരസഭാ വൈസ് ചെയർപേഴ്സൺ ബിജി ജോജോ, നഗരസഭാ സ്ഥിരംസമിതി അധ്യക്ഷരായ സാവിയോ കാവുകാട്ട്, ബിനു മനു, ലിസിക്കുട്ടി മാത്യു, ജോസ് ചീരാംകുഴി, നഗരസഭാംഗങ്ങളായ ആന്റോ ജോസ് പടിഞ്ഞാറേക്കര, ഷാജു തുരുത്തൻ, ജോസിൽ ബിനോ, ലീന സണ്ണി പുരയിടം, ബൈജു കൊല്ലംപറമ്പിൽ എന്നിവർ പങ്കെടുത്തു.