തദ്ദേശ തിരഞ്ഞെടുപ്പ് ; കോട്ടയം ജില്ലയിലെ സൂക്ഷ്മപരിശോധന പൂർത്തിയായി

കോട്ടയം: , ജില്ലയിൽ തദ്ദേശസ്ഥാപന തെരഞ്ഞെടുപ്പിൻ്റെ നാമനിർദേശപത്രികകളുടെ സൂക്ഷ്മപരിശോധന പൂർത്തിയായി. പിൻവലിക്കാനുള്ള സമയപരിധി തിങ്കളാഴ്ച ഉച്ചകഴിഞ്ഞു മൂന്നുവരെയാണ്.

അന്തിമ കണക്കനുസരിച്ച് ജില്ലയിൽ 6411 പേരാണ് പത്രിക സമർപ്പിച്ചിട്ടുള്ളത്. ആകെ 11,101 സെറ്റ് പത്രികകളാണ് ലഭിച്ചത്.

ജില്ലാ പഞ്ചായത്തിലേക്ക് 106 പേരും ബ്ലോക്ക് പഞ്ചായത്തുകളിലേക്ക്  569 പേരും  ഗ്രാമപഞ്ചായത്തുകളിലേക്ക്  4920  പേരും പത്രിക സമർപ്പിച്ചു.  

ആറ് നഗരസഭകളിൽ 816 പേരും പത്രിക നൽകി.