സംസ്ഥാനത്തിന്റെ സുസ്ഥിര സാമ്പത്തിക വികസനത്തിനും, 2047ലെ 'വികസിത് ഭാരത്' ന്റെ ലക്ഷ്യം പൂർത്തീകരിക്കുന്നതിനും  കേന്ദ്ര സംസ്ഥാന ധനകാര്യ തന്ത്രങ്ങളുടെ ഏകോപനം അനിവാര്യം: പ്രൊ. ഡോ. രഞ്ജിത്ത് പി. എസ്.

കോട്ടയം: സംസ്ഥാനത്തിന്റെ സുസ്ഥിര സാമ്പത്തിക വികസനത്തിനും, 2047ലെ 'വികസിത് ഭാരത്' ന്റെ ലക്ഷ്യം പൂർത്തീകരിക്കുന്നതിനും  കേന്ദ്ര സംസ്ഥാന ധനകാര്യ തന്ത്രങ്ങളുടെ ഏകോപനം അനിവാര്യമാണെന്ന്  പ്രൊ. ഡോ. രഞ്ജിത്ത് പി. എസ്. 

കാണക്കാരി സി. എസ്. ഐ ലോ കോളേജിൽ നടന്ന ബജറ്റ് പ്രഭാഷണത്തിൽ കേന്ദ്ര - സംസ്ഥാന ബജറ്റുകൾ അവസരങ്ങൾ, പരിമിതികൾ മുന്നോട്ടുള്ള വഴികൾ എന്ന വിഷയത്തെ അടിസ്ഥാനമാക്കി തിരുവനന്തപുരം ഗുലാത്തി ഇൻസ്റ്റിറ്റ്യൂട്ട് ഓഫ് ഫിനാൻസ് ആൻഡ് ടാക്സേഷൻ ലെ പ്രൊഫസർ രഞ്ജിത്ത് പി എസ് സംസാരിക്കവേ ആണ് ഈകാര്യം പറഞ്ഞത്. 

കോളേജ് പ്രിൻസിപ്പൽ ഡോ. ജോർജ് ജോസഫ്  അധ്യക്ഷത വഹിച്ച സമ്മേളനത്തിൽ ഇക്കണോമിക്സ് വകുപ്പ് മേധാവി ബോണി ജെ. കുര്യാക്കോസ്, വൈസ് പ്രിൻസിപ്പൽ ഡോ. ജയ്സി കരിങ്ങാട്ടിൽ, കോളേജ് ബർസാർ കോശി എബ്രഹാം, വിദ്യാർത്ഥി പ്രതിനിധി അനുശ്രീ ഒ. പി. എന്നിവർ സംസാരിച്ചു