വൈക്കം-എറണാകുളം റോഡിലുണ്ടായ ബൈക്ക് അപകടത്തിൽപ്പെട്ട് യുവാവിന് ദാരുണാന്ത്യം. അപകടം ഇത്തിപ്പുഴ പാലത്തിന് സമീപം. പാലത്തിന്റെ കൈവരിയിൽ ബൈക്ക് ഇടിച്ച് യുവാവ് റോഡിലേക്ക് തെറിച്ച് വീഴുകയായിരുന്നു

വൈക്കം: വൈക്കം-എറണാകുളം റോഡിലെ ബൈക്ക് അപകടത്തിൽപ്പെട്ട് യുവാവിന് ദാരുണാന്ത്യം. ചേർത്തല മൂലയിൽ കുര്യൻ തരകന്റെ മകൻ ആൻ്റണി തരകന് (24) ആണ് മരിച്ചത്. 

തിങ്കളാഴ്ച പുലർച്ചെ  12.30 ഓടെ വൈക്കം-എറണാകുളം റോഡിലെ ഇത്തിപ്പുഴ പാലത്തിന് സമീപമാണ് അപകടം നടന്നത്.

പാലത്തിന്റെ കൈവരിയിൽ ഇടിച്ച് റോഡിൽ തെറിച്ച് വീണ യുവാവിനെ ഗുരുതര പരുക്കുകളോടെ വൈക്കം താലൂക്ക് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. വൈക്കം പോലീസ് മേൽനടപടികൾ  സ്വീകരിച്ചു.