ബസ് ബൈക്കിലിടിച്ച് 17കാരന്‍ റോഡിലേക്ക് വീണു; അതേ ബസ് കയറി ദാരുണാന്ത്യം

കോഴിക്കോട്: സ്വകാര്യ ബസ് ബൈക്കിലിടിച്ച്  വിദ്യാര്‍ത്ഥി മരിച്ചു.  കോഴിക്കോട് ഒളവണ്ണ സ്വദേശി കിണറ്റിന്‍കരക്കണ്ടി വീട്ടില്‍ സുനിയുടെ മകന്‍ കെകെ അമര്‍നാഥ് (17) ആണ് മരിച്ചത്. ഇന്ന് രാവിലെ പത്തോടെ വെസ്റ്റ്ഹില്ലില്‍ വെച്ചാണ് അപകടമുണ്ടായത്.

പിതാവിന്റെ ബൈക്കില്‍ സുഹൃത്തിനൊപ്പം വരുന്നതിനിടെ ബസ് ഇടിക്കുകയായിരുന്നു. റോഡിലേക്ക് തെറിച്ചുവീണ അമര്‍നാഥിന്റെ ദേഹത്തുകൂടി ബസ് കയറിയിറങ്ങുകയായിരുന്നു.