അരക്കിണർ ചെറോടത്തിൽ ശ്രീ ഭഗവതി ക്ഷേത്രത്തിലെ പ്രതിഷ്ഠാ ദിന താലപ്പൊലി മഹോത്സവം ആഘോഷമാക്കി ഭക്തർ

കോഴിക്കോട്: പുരാതന പ്രസിദ്ധമായ  അരക്കിണർ ചെറോടത്തിൽ ശ്രീ ഭഗവതി ക്ഷേത്രത്തിലെ പ്രതിഷ്ഠാ ദിന താലപ്പൊലി മഹോത്സവം വിപുലമായ പരിപാടികളോടെ നടന്നു.  ക്ഷേത്രം തന്ത്രി പറമ്പടി മോഹനൻ തന്ത്രി വൈദിക കർമ്മങ്ങൾക്ക് നേതൃത്വം  നൽകി.

രാവിലെ 6 മണിക്ക് ഗണപതി ഹോമത്തോടെ ചടങ്ങുകൾ ആരംഭിച്ചു. തുടർന്ന് കലശ പൂജ, കലശാഭിഷേകം, ഭഗവതിക്കും ഗുരുദേവനും ഉപദേവതകളായ ഹനുമാൻ, ദണ്ഡൻ, ഗുളികൻ എന്നീ മൂർത്തികൾക്കും പ്രതിഷ്ഠാ ദിന വിശേഷാൽ പൂജകൾ, തണ്ണീരാമൃത് എന്നിവയും അന്നദാനവും വൈകീട്ട് ദീപാരാധനക്ക് ശേഷം താലപ്പൊലിയും നടന്നു.  

രാത്രി ഗുരുതി തർപ്പണത്തോടെ പ്രതിഷ്ഠാ ദിന താലപ്പൊലി മഹോത്സവ ചടങ്ങുകൾ അവസാനിച്ചു.